The news is by your side.

Advertisement

غیر منقولہ جائیداد سے متعلق نیا قانون نافذ ہوگا، وزیرخزانہ اسحاق ڈار

اسلام آباد : وفاقی وزیر خزانہ اسحاق ڈار نے کہا ہے کہ شہداء کو دیئے گئے پلاٹوں پر کیپیٹل گین ٹیکس نہیں لگے گا۔ سول افسران کو سرکاری پلاٹ کی فروخت پر بھی کیپیٹل گین ٹیکس نہیں ہو گا۔

انہوں نے کہا کہ غیر منقولہ جائیداد کی فروخت سے متعلق نیا قانون نافذ ہوگا، جس کیلئے منی بل لایا گیا ہے جو فوری طور پر نافذ العمل ہوگا۔

یہ بات انہوں نے اسلام آباد میں پریس کانفرنس سے خطاب کرتے ہوئے کہی۔ وفاقی وزیر خزانہ نے کہا کہ آرمڈ فورس کو سرکاری پلاٹ کی فروخت پر گین ٹیکس نہیں ہو گا۔

ان کا کہنا تھا کہ افسران اوریجنل الاٹی ہیں تو کیپیٹل گین ٹیکس نہیں ہوگا، اسحاق ڈار نے کہا کہ 24 گھنٹوں میں پاٹا پر کسٹم 1969ختم کر دیا جائے گا، صدر پاکستان نے اس آرڈیننس کے خاتمے کی منظوری دے دی ہے۔

انہوں نے کہا کہ غیر منقولہ جائیداد کی فروخت سے متعلق نیا قانون نافذ ہوگا، اورفیصلوں کو قانون کے ذریعے لاگو کیا جائے گا۔

اسحاق ڈار کا کہنا تھا کہ ٹی او آرز کمیٹی کیلئے اسپیکر نے کہا ہے کہ انہوں نے اپوزیشن سے مشارت کی ہے انہوں نے 6 اگست کی تاریخ دی ہے۔

 

Print Friendly, PDF & Email

Comments

comments

یہ بھی پڑھیں