The news is by your side.

Advertisement

جنوبی وزیرستان میں بارودی سرنگ کا دھماکہ‘3اہلکارشہید

وانا: جنوبی وزیرستان کےضلع وانا میں بارودی سرنگ کےدھماکے کےنتیجے میں سیکیورٹی فورسز کے 3اہلکار شہید ہوگئے۔

تفصیلات کےمطابق وفاق کے زیرِ انتظام قبائلی جنوبی وزیرستان میں وانا کے علاقےزرملان میں بارودی سرنگ کے دھماکے میں 3سیکیورٹی اہلکار جاں بحق ہوگئے۔

وانا کے علاقے زرملن میں سیکیورٹی فورسزنےدھماکے کےبعد علاقے کو گھیرے میں لے لیا،اور جاں بحق اہلکاروں کی لاشوں کو اسپتال منتقل کردیاگیا۔

پاک فوج کےشعبہ تعلقات عامہ کےمطابق جنوبی وزیرستان کےعلاقے زرملان میں گزشتہ رات بارودی سرنگ کے دھماکے میں زخمی ہونے والےتین ایف سی اہلکار شہید ہوگئے۔

وزیراعظم نوازشریف کی جنوبی وزیرستان میں دھماکے کی مذمت

وزیراعظم میاں محمد نوازشریف نے جنوبی وزیرستان میں بارودی سرنگ کے دھماکے کی مذمت کرتےہوئےشہید اہلکاروں کے اہل خانہ سے اظہار ہمدری کی ہے۔انہوں نےکہاکہ شہداکی بےمثال قربانیاں ہمیشہ یاد رکھی جائیں گی۔

وزیراعظم پاکستان کا کہناہےکہ اللہ کی مددسے پاکستان نےدہشت گردوں کی کمر توڑ دی ہے،انہوں نےکہاکہ ہم دہشت گردی کےخلاف جنگ جیتیں گے،ان کی باقیات ختم کریں گے۔

وزیرداخلہ چوہدری نثارعلی خان نے جنوبی وزیرستان میں ہونے والے دھماکے کی شدید مذمت کی اور دھماکے میں شہید ہونے والے ایف سی اہلکاروں کی شہادت پراظہار افسوس کیا۔

وفاقی وزیرداخلہ چوہدری نثارعلی خان نے شہداکے خاندانوں سے دلی ہمدردی کا اظہارکرتے ہوئےایف سی اہلکاروں کو قربانیوں کو خراج عقیدت پیش کیا۔

مزید پڑھیں:جنوبی وزیرستان میں بارودی سرنگ کا دھماکہ،میجر شہید

یاد رہےکہ گزشتہ سال نومبر میں جنوبی وزیرستان میں بارودی سرنگ کے دھماکے میں پاک فوج کےافسر میجر عمران شہید جبکہ 6 اہلکار زخمی ہو گئے تھے۔

مزید پڑھیں:پاراچناردھماکا، جاں‌ بحق افراد کی تعداد 24 ہوگئی

واضح رہےکہ گزشتہ ماہ وفاق کے زیر انتظام قبائلی علاقے فاٹا کی کرم ایجنسی کے علاقے پارا چنار میں دھماکے کے نتیجے میں24افراد جاں بحق جبکہ 40سے زائد زخمی ہوگئے تھے۔

Print Friendly, PDF & Email

Comments

comments

یہ بھی پڑھیں