The news is by your side.

Advertisement

2 ماہ پہلے ہم نے عید کی تاریخ دے دی تھی: فواد چوہدری

اسلام آباد: وفاقی وزیر سائنس اینڈٹیکنالوجی فواد چوہدری نے کہا ہے کہ پاکستان کو ایک ماڈرن اسلامی تشخص اپنانا چاہیے۔

تفصیلات کے مطابق رویت حلال کمیٹی کی جانب سے عیدالاضحیٰ کا چند نظر آنے کے اعلان پر فواد چوہدی نے ٹویٹ کیا ہے کہ ہم نے دو ماہ پہلے عید کی تاریخ دے دی تھی۔

چیئرمین مرکزی رویت ہلال کمیٹی مفتی منیب الرحمان نے اعلان کیا ہے کہ ذوالحج کا چاند نظر آگیا ہے اور پاکستان میں عید الاضحیٰ 12 اگست کو ہوگی۔

فواد چوہدری نے سماجی رابطے کی ویب سائٹ ٹویٹر پر لکھا کہ پاکستان کو ایک ماڈرن اسلامی تشخص اپنانا چاہیے، عصرحاضر کے تقاضوں سے علم وآگاہی پر چل کر منزل پر پہنچا جاسکتا ہے۔

ان کا مزید کہنا تھا کہ ریاست کو فیصلہ کرنا چاہیے پاکستان میں پسماندہ رویوں کی گنجائش نہیں ہوگی۔

خیال رہے کہ چیئرمین مرکزی رویت ہلال کمیٹی مفتی منیب الرحمان نے ذوالحج کا چاند نظر آنے کا اعلان کردیا جس کے مطابق عید الاضحیٰ 12 اگست بروز پیر کو ہوگی۔

ذوالحج کا چاند نظر آ گیا، پاکستان میں عید الاضحیٰ 12 اگست کو ہوگی

مفتی منیب الرحمان کا کہنا تھا کہ چاند نظر آنے کی شہادتیں نوابشاہ، جھنگ، ٹنڈوالہٰیار، ژوب، ودیگر شہروں سے شہادتیں موصول ہوئیں۔

پاکستان میں ذوالحج 1440 ہجری کا چاند دیکھنے کے لیے مرکزی رویت ہلال کمیتی کا اجلاس مفتی منیب الرحمان کی زیر صدارت کراچی میں ہوا تھا۔

Comments

comments

یہ بھی پڑھیں