The news is by your side.

Advertisement

راولپنڈی، سہیل تنویر کا ضرورت مندوں میں راشن تقسیم کرنے کا اعلان

راولپنڈی: کرونا وائرس کے پیش نظر فاسٹ بولر سہیل تنویر نے ضرورت مندوں میں ایک ماہ کا راشن تقسیم کرنے کا اعلان کردیا۔

تفصیلات کے مطابق کرونا وائرس کی وبا کے سبب ملک بھر میں لاک ڈاؤن کیے جانے کے بعد مزدور طبقہ سب سے زیادہ متاثر ہوا ہے ایسے میں مخیر حضرات کی جانب سے ضرورت مند لوگوں کی مدد کی جارہی ہے۔

قومی ٹیم کے فاسٹ بولر اور پی ایس ایل فائیو میں ملتان سلطانز کی نمائندگی کرنے والے سہیل تنویر بھی ضرورت مندوں کی مدد کے لیے میدان میں آگئے۔

سماجی رابطے کی ویب سائٹ ٹویٹر پر سہیل تنویر نے کہا کہ ’ہم راولپنڈی میں ضرورت مند لوگوں میں ایک ماہ کا راشن تقسیم کررہے ہیں۔‘

انہوں نے لکھا کہ اگر آپ راولپنڈی کے آس پاس کے علاقوں میں کسی ضرورت مند کو جانتے ہیں یا کوئی اس کار خیر میں حصہ ڈالنا چاہتا ہے تو ہمیں 03335514374 پر میسجز یا کال کریں۔

سہیل تنویر نے مزید کہا کہ ضرورت مند افراد کو گھر کی دہلیز پر راشن فراہم کیا جائے گا۔

واضح رہے کہ پاکستان میں کرونا وائرس کے مریضوں کی تعداد ایک ہزار22 تک جاپہنچی ہے جبکہ کرونا وائرس سے انتقال کرجانے والوں کی تعداد 8 ہوگئی ہے۔

fb-share-icon0
Tweet 20

Comments

comments

یہ بھی پڑھیں