site
stats
پاکستان

ملکی سرحدوں کا تحفظ مقدس فریضہ ہے، ایڈمرل ذکاء اللہ

maritime day

اسلام آباد : پاک بحریہ کے سربراہ ایڈمرل ذکاءاللہ نے کہا ہے کہ جانوں کی پرواہ کیے بغیر ملک خداداد کی بحری سرحدوں کا دفاع کریں گے یہ ایک مقدس فریضہ ہے جسے بڑے فخر سے سے ادا کریں گے۔

اس عزم کا اظہار پاک بحریہ کے سربراہ ایڈمرل ذکاء اللہ نے اسلام آباد میں صحافیوں سے غیررسمی گفتگو کرتے ہوئے کیا،انہوں نے کہا کہ بحری سرحدوں کا تحفظ ایک مقدس فریضہ سمجھ کر کرتے ہیں اور اس فرض کی ادائیگی میں اپنی جانیں دینے سے بھی دریغ نہیں کریں گے۔

انہوں نے کہا کہ گوادر اور پاک چین اقتصادی راہداری کا تحفظ ہماری اولین ترجیح ہے اور دنیا نے دیکھ لیا ہے کہ کس طرح ہم نے بھارتی آبدوز کو بھاگنے پر مجبور کردیاتھا،بھارت کو منہ توڑ جواب دینے کی پوری صلاحیت رکھتے ہیں۔

انہوں نے کہا کہ پاک بحریہ کے جوانوں کے حوصلے جواں اور ملکی دفاع کی تیاریاں انتہائی اطمینان بخش ہیں، ہم چوکنا ہیں اور دشمن کی ہر نقل و حرکت پر نظر رکھی ہوئی ہے۔

پاک بحریہ کے سربراہ کا کہنا تھا کہ پاک بحریہ کسی بھی چیلینج سے نمٹنے کے لیے تیار ہے اور قوم کے تعاون سے دشمن کے ناپاک ارادے ناکام بنادیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top