اسلام آباد: وزیراعظم کی معاون خصوصی ڈاکٹر ثانیہ نشتر کا کہنا ہے کہ احساس کیش پروگرام میں فراڈ کرنے والوں کا ڈیٹا اکٹھا کر رہے ہیں۔
تفصیلات کے مطابق سماجی رابطے کی ویب سائٹ ٹویٹر پر وزیراعظم کی معاون خصوصی ڈاکٹر ثانیہ نشتر نے اپنے پیغام میں کہا کہ احساس کیش پروگرام میں فراڈ کرنے والوں کا ڈیٹا اکٹھا کر رہے ہیں۔
ثانیہ نشتر کا کہنا تھا کہ مختلف تھانوں میں درج ایف آئی آرز کا پتا لگا رہے ہیں،ایسے فراڈ کرنے والوں کے خلاف سخت کارروائی چاہتی ہوں۔انہوں نے کہا کہ احساس پروگرام آگے بڑھ رہا ہے،فراڈ،کرپشن کرنے والوں کے خلاف جنگ سے ہمارا عزم بھی بڑھ رہا ہے۔
We are tracking First Investigation Reports (FIRs) in police stations against those involved in #EhsaasEmergencyCash embezzlement and fraudulent deductions. I want stern action against such fraudsters. 2/3 pic.twitter.com/1MO2Y1G3hx
— Sania Nishtar (@SaniaNishtar) April 13, 2020
وزیراعظم کی معاون خصوصی نے کہا کہ احساس پاکستان کو تمام سرکاری ایجنسیاں سپورٹ کر رہی ہیں،کرپشن کے خلاف جدوجہد میں تعاون پر تمام اداروں کا شکریہ ادا کرتی ہوں۔
As #EhsaasEmergencyCash program scales up, so does our resolve to fight embezzlement and fraudsters. To fight corruption, @Ehsaas_Pk is being supported by all state agencies on the ground.1/3 pic.twitter.com/6oS7Lu0QQU
— Sania Nishtar (@SaniaNishtar) April 13, 2020
یاد رہے کہ گزشتہ روز احساس ایمرجنسی پروگرام سے متعلق ڈاکٹر ثانیہ نشتر نے بریفنگ دیتے ہوئے کہا تھا کہ یہ پروگرام مستحقین کے لیے ہے،صاحب حیثیت افراد میسج کر کے ان کا حق نہ ماریں۔
وزیراعظم کی معاون خصوصی کا کہنا تھا کہ پروگرام سے اب تک سترہ لاکھ سے زائد افراد مستفید ہوچکے ہیں۔
