The news is by your side.

Advertisement

لاک ڈاؤن سے متاثرہ افراد کی مدد کی بھرپور کوشش کررہے ہیں، گورنر سندھ

کراچی: گورنر سندھ عمران اسماعیل کا کہنا ہے کہ لاک ڈاؤن سے متاثرہ افراد کی مدد کی بھرپور کوشش کررہے ہیں۔

تفصیلات کے مطابق گورنر سندھ عمران اسماعیل سے آل کراچی جیولرز اور مینوفیکچررز ایسوسی ایشن کے وفد نے ملاقات کی، جس میں ایس او پیز کے ساتھ کاروبار کی اجازت، باہمی دلچسپی کے دیگر امور پر تبادلہ خیال کیا گیا۔

گورنر سندھ نے کہا کہ وزیراعظم کرونا وائرس پر کنٹرول کے لیے بھرپور اقدامات کررہے ہیں، وزیراعظم کئی بار کہہ چکے ہیں کہ اسٹریٹیجک لاک ڈاؤن کی طرف جانا ہوگا۔

عمران اسماعیل نے کہا کہ ایس اوپیز کے تحت ہی کاروباری سرگرمیاں کھولی جاسکتی ہیں، چھوٹی صنعتوں میں کام کرنے والے ملازمین کی مشکلات کا اندازہ ہے، لاک ڈاؤن کے شکار افراد کی مدد کی بھرپور کوشش کررہے ہیں۔

مزید پڑھیں: وزیراعظم کوعام آدمی کا احساس ہے، مجبوری میں سخت فیصلے کئے، گورنر سندھ

واضح رہے کہ چند روز قبل گورنر سندھ کا کہنا تھا کہ کرونا وائرس عالمی وبا بن چکی،پاکستان بھی شدید متاثر ہورہا ہے، حکومت کو انتہائی مجبوری میں بہت سخت فیصلے کرنا پڑے ،وزیراعظم عمران خان کو عام آدمی کی مشکلات اور مجبوری کا شدت سے احساس ہے۔

ان کا کہنا تھا کہ ایک طرف کرونا تو دوسری جانب غربت و افلاس ہے، وزیراعظم عمران خان چاہتے ہیں کہ کاروباری سرگرمیوں کو مربوط حکمت عملی کے ساتھ جاری رکھا جائے۔

Comments

یہ بھی پڑھیں