واشنگٹن: براک اوبامانے شمالی کوریاکےجارحانہ رویے کو معمولی خطرہ قرار دیدیا، صدراوباماکہتے ہیں کہ شمالی کوریا کے جوہری پروگرام کےمسئلے سے نمٹنےاورلاحق خطرات کے مقابلے کیلئے اقدامات کررہےہیں۔
امریکی نشریاتی ادارے کوانٹرویومیں صدر اوباما کا کہنا تھا کہ امریکہ شمالی کوریاکےجواب میں دفاعی اقدامات کررہا ہے، انکا کہنا تھا کہ شمالی کوریا کا مسئلہ ایسا نہیں جس کا کوئی آسان حل تلاش کیا جاسکے۔
ان کاکہناتھاکہ امریکہ اپنے ہتھیاروں سےشمالی کوریا کو تباہ کرسکتاہے لیکن ایسے کسی بھی اقدام کے نتیجے میں جہاں جانی نقصان بہت زیادہ ہوگا وہیں یہ بھی نہیں بھولنا چاہیے کہ شمالی کوریا امریکہ کے انتہائی قریبی اتحادی جنوبی کوریا کا پڑوسی ہے۔
صدراوباما کے انٹرویو کے نشرہونے سے چند گھنٹے قبل ہی جنوبی کوریا کی نیوز ایجنسی نے دعویٰ کیا تھا کہ شمالی کوریا درمیانےفاصلے تک مار کرنے والےاپنےنئےمیزائل کادوسراتجربہ کرنےکی تیاری کررہاہے تاہم اس دعوےکی تصدیق تاحال نہیں ہوسکی ہے۔
