حکومت مزدوروں کا استحصال کسی صورت برداشت نہیں کرے گی: گورنرسندھ
The news is by your side.

Advertisement

حکومت مزدوروں کا استحصال کسی صورت برداشت نہیں کرے گی: گورنرسندھ

کراچی: گورنر سندھ عمران اسماعیل نے کہا ہے کہ حکومت مزدوروں کا استحصال کسی صورت برداشت نہیں کرے گی، محنت کش طبقہ ملک کا قیمتی اثاثہ ہے۔

تفصیلات کے مطابق گورنرسندھ عمران اسماعیل سے محتسب جسٹس(ر) شاہنواز طارق نے ملاقات کی، اس دوران کارکردگی، فوری انصاف اور محنت کشوں کے استحصال کے خلاف اقدامات پر گفتگو ہوئی۔

اس موقع پر عمران اسماعیل کا کہنا تھا کہ محنت کش پاکستان کا قیمتی اثاثہ ہیں، ان کے ساتھ ناانصافی برداشت نہیں کریں گے۔

ان کا کہنا تھا کہ صوبے بھر میں کسی کے ساتھ بھی زیادتی کا فوری ازالہ یقینی بنایا جائے گا۔

گورنر سندھ کا دیگر موضوع پر تبصرہ کرتے ہوئے کہنا تھا کہ خواتین کو ہراساں کیے جانے کی شکایات کا جلد ازالہ کیا جائے گا۔

یاد رہے کہ گذشتہ ہفتے گورنر سندھ عمران اسماعیل سے آزاد کشمیر کے صدر مسعود خان نے ملاقات کی تھی، اس دوران اہم امور پر تبادلہ خیال کیا گیا تھا۔

گورنر سندھ سے صدر آزاد کشمیر کی ملاقات، اہم امور پر تبادلہ خیال

اُس موقع پر عمران اسماعیل نے کہا تھا کہ حق خودارادیت کشمیریوں کا حق ہے جسےغصب نہیں کیا جاسکتا، کشمیریوں کو مرضی کے مطابق زندگی گزارنے کا حق دینا ضروری ہے۔

انہوں نے یہ بھی کہا تھا کہ موجودہ حکومت کشمیریوں کی اخلاقی اور سفارتی حمایت جاری رکھے گی، کشمیروں کے حقوق چھینے نہیں جاسکتے۔

Comments

comments

یہ بھی پڑھیں