کراچی: پاکستان شوبز انڈسٹری کی معروف اداکارہ منشا پشا کا کہنا ہے کہ وقت سے پہلے لاک ڈاؤن میں نرمی کرنا بڑی غلطی ثابت ہوگی۔
تفصیلات کے مطابق معروف اداکارہ منشا پاشا نے سماجی رابطے کی ویب سائٹ ٹویٹر پر ایدھی فاؤنڈیشن کے سربراہ فیصل ایدھی کے کرونا ٹیسٹ مثبت آنے پر دعائیہ پیغام شیئر کیا اور کہا کہ امید ہے کرونا وائرس کے خلاف جنگ میں پورا ملک متحد ہوجائے گا۔
Prayers for #FaisalEdhi
Hope at this moment the country unites in the fight against COVID-19 as most of our senior office holders will need to be tested.
We risk so much by easying lockdown prematurely.
We need to forget past grievances at this moment and unite for survival.— manshapasha (@manshapasha) April 21, 2020
انہوں نے کہا کہ فیصل ایدھی کا کرونا ٹیسٹ مثبت آنے کے باعث پاکستان کے سینئر آفیسرز کو کرونا ٹیسٹ کروانے کی ضرورت پیش آئے گی۔
اداکارہ منشا پاشا کا کہنا تھا کہ موجودہ صورتحال میں ماضی کی رنجشوں کو بھلا کر ہمیں اپنی بقا کی خاطر متحد ہونے کی ضرورت ہے۔
مزید پڑھیں: کوروناوائرس کی تشخیص کے بعد فیصل ایدھی کا ویڈیو بیان سامنے آگیا
واضح رہے کہ آج فلاحی ادارے ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آ گیا، انہوں نے دو دن قبل ٹیسٹ کروایا تھا، وہ اسلام آباد میں مقیم ہیں، ٹیسٹ مثبت آنے کے بعد وہ قرنطینہ میں چلے گئے ، فیصل ایدھی کا ٹیسٹ شفا انٹرنیشنل اسپتال اسلام آباد میں کیا گیا تھا۔
ایدھی حکام کا کہنا ہے کہ 5 دن قبل فیصل ایدھی نے اسلام آباد میں وزیر اعظم عمران خان سے ملاقات کی تھی، دو روز قبل انہوں نے کرونا کا ٹیسٹ کروایا تھا جس کی آج رپورٹ آئی ہے۔
