تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پاکستان کے لیے آئی ایم ایف بیل آؤٹ پر ہمارا نکتہ نظر تبدیل نہیں ہوا: امریکا

واشنگٹن: ترجمان امریکی محکمہ خارجہ ہیدر نوئرٹ نے کہا ہے کہ پاکستان امریکا کا اہم پارٹنر ہے تاہم اس کے لیے آئی ایم ایف بیل آؤٹ پر ہمارا نکتہ نظر تبدیل نہیں ہوا۔

ان خیالات کا اظہار انہوں نے واشنگٹن میں پریس کو بریفنگ دیتے ہوئے کیا، ہیدر نوئرٹ کا کہنا تھا کہ پاکستان کی نئی سویلین حکومت کے ساتھ کام کرنے کے منتظرہیں۔

ترجمان امریکی محکمہ خارجہ کا کہنا تھا کہ وزیر خارجہ مائیک پومپیو نے وزیر اعظم عمران خان سے فون پر گفتگو کی، اس دوران ان سے زبردست گفتگو ہوئی۔

ان کا کہنا تھا کہ امریکا پاکستان کے ساتھ کار آمد باہمی تعاون چاہتا ہے۔ دوسری جانب افغان صورت حال پر تبصرہ کرتے ہوئے ان کا کہنا تھا کہ فوجی آپشن افغانستان کے 17 سال پرانے مسئلے کا واحد حل نہیں ہے۔

امریکی وزیرخارجہ کا وزیراعظم کو فون، کامیابی پرمبارک باد، مل کر کام کرنے کی خواہش کا اظہار

یاد رہے کہ گذشتہ دنوں امریکی وزیر خارجہ مائیک پومپیو نے وزیراعظم عمران خان سے ٹیلی فونک رابطہ کیا تھا، اس ٹیلی فونک رابطے میں امریکی وزیرخارجہ کی جانب سے دو طرفہ تعمیری تعلقات کے لئے نئی حکومت سےمل کر کام کرنے کی خواہش کا اظہار کیا گیا تھا۔

خیال رہے کہ امریکی وزیر خارجہ مائیک پومپیو کا رواں سال ستمبر میں دورہ پاکستان کا امکان ہے، اپنے دورے میں وہ نومنتخب وزیر اعظم عمران خان سے ملاقات کریں گے۔

واضح رہے کہ نومنتخب وزیر اعظم عمران خان اور چیف آف آرمی اسٹاف جنرل قمر جاوید باجوہ سے ملاقات کے لیے امریکی وزیر خارجہ مائیک پومپیو پاکستان کا دورہ کریں گے۔

Comments

- Advertisement -