افغان حکومت کی جانب سے سیز فائر کے اعلان پر پاکستان کا خیر مقدم: Afghanistan
The news is by your side.

Advertisement

افغان حکومت کی جانب سے سیز فائر کا اعلان، پاکستان کا خیر مقدم

اسلام آباد: پاکستان نے افغان حکومت کی جانب سے عید الاضحی پر سیزفائر کے اعلان کا خیر مقدم کیا اور دیرپا امن کے لیے ایسے اقدامات کو سراہا۔

تفصیلات کے مطابق ترجمان دفتر خارجہ کی جانب سے جاری کردہ بیان میں کہا گیا ہے کہ افغانستان میں دیرپا امن کے لیے پاکستان ایسے تمام اقدامات کی حمایت کرتا ہے۔

ترجمان کا کہنا تھا کہ افغان جشن آزادی کے موقع پر اعلان زیادہ اہمیت کا حامل ہے، سیزفائر اعلان سے افغان عوام عیدالاضحی امن وسکون سے منائیں گے۔

ترجمان دفتر خارجہ کا مزید کہنا تھا کہ ایسے اقدامات امن واستحکام کا ماحول پیدا کرنے میں مددگار ثابت ہوں گے، پاکستان افغانستان میں امن کا خواہاں ہے۔

افغان صدر اشرف غنی کا 3 ماہ کی مشروط جنگ بندی کا اعلان

خیال رہے کہ افغانستان کے 99 ویں یوم آزادی کے موقع پر ایک تقریب سے خطاب کرتے ہوئے افغان صدر اشرف غنی نے طالبان سے مشروط جنگ بندی کا اعلان کیا ہے۔

انہوں نے کہا تھا کہ آج یعنی 20 اگست سے 19 نومبر تک فائر بندی رہے گی تاہم یہ اسی صورت برقرار رکھی جائے گی اگر طالبان سیز فائر کا احترام کریں، اگر طالبان نے سیز فائر کی خلاف ورزی کی تو بھرپور جواب دیا جائے گا۔

واضح رہے کہ افغان حکومت کی جانب سے یکطرفہ سیز فائر کا اعلان پر فی الحال طالبان سمیت کسی عسکری گروہ یا تنظیم کی جانب سے کوئی ردعمل سامنے نہیں آیا۔

Comments

comments

یہ بھی پڑھیں