اسلام آباد: تحریک انصاف کے چیئرمین عمران خان نے کہا ہے کہ ملک میں کم خوشیاں ملی ہیں، پاناما کیس میں ملنے والی خوشی پر کل سب وفاقی دارالحکومت پہنچیں گے اور خوب خوشی منائیں گے۔
اسلام آباد پریڈ گراؤنڈ میں کل منعقد ہونے والے یومِ تشکر جلسے کے انتظامات کا جائزہ لینے کے بعد گفتگو کرتے ہوئے عمران خان نے کہا کہ گزشتہ روز قوم کو بڑی خوشی ملی، ملک میں کم خوشیاں ملی ہیں اس لیے کل ہم خوب خوشی منائیں گے۔
عمران خان نے کہا کہ اکیس سال قبل جتنے لوگ پریڈ گراؤنڈ میں جمع ہوئے وہ سب کل شام 5 بجے پریڈ گراؤنڈ ضرور آئیں پھر کل ہم سب مل کر اللہ کا شکر ادا کریں گے اور خوب جشن بھی منائیں گے۔
Chairman PTI Imran Khan Address at Visit to Jalsa Venue Parade Ground Islamabad (29.07.17)#AllahAlHaqHai pic.twitter.com/r8UcIC1Hnr
— PTI (@PTIofficial) July 29, 2017
یاد رہے سپریم کورٹ کی جانب سے وزیراعظم کی نااہلی کا فیصلہ آنے کے بعد تحریک انصاف نے اسلام آباد کے پریڈ گراؤنڈ میں جلسہ منعقد کرنے کا اعلان کیا ہے جس میں عمران خان سمیت پی ٹی آئی کے مرکزی قائدین خطاب کریں گے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
