The news is by your side.

Advertisement

پنجاب میں کہیں بھی جنگلات کی چوری برداشت نہیں کریں گے،سبطین خان

لاہور: وزیر جنگلات پنجاب سبطین خان نے کہا ہے کہ پنجاب میں کہیں بھی جنگلات کی چوری برداشت نہیں کریں گے۔

تفصیلات کے مطابق صوبائی وزیر جنگلات سبطین خان نے نیوز کانفرنس کے دوران کہا کہ میانوالی کے جنگلات میں درختوں کی غیرقانونی کٹائی ہوئی۔

انہوں نے بتایا کہ میانوالی چک نمبر 4 ڈی بی کے سامنے جنگلات کی کٹائی پر ایکشن لیا، درختوں کی غیرقانونی کٹائی کرنے والوں پر ایف آئی آر درج کر دی، واقعے کی تحقیقات جاری ہیں۔

سبطین خان کا کہنا تھا کہ حکومت1927 ایکٹ میں تبدیلیاں کر رہی ہے،ٹمبر مافیا کے خلاف قوانین سخت کر رہے ہیں۔انہوں نے کہا کہ پنجاب میں کہیں بھی جنگلات کی چوری برداشت نہیں کریں گے۔

وزیر جنگلات پنجاب کا مزید کہنا تھا کہ 26 ارب روپے میں بلین سونامی منصوبہ مکمل ہوگا۔انہوں نے بتایا کہ پنجاب میں 2 سالوں میں 3 نیشنل پارک بنائے۔

وزیراعلیٰ پنجاب کا نارتھ ریزرو فاریسٹ کو سالٹ رینج نیشنل پارک بنانے کا فیصلہ

یاد رہے کہ گزشتہ ماہ وزیراعلیٰ پنجاب نے 13700 ایکڑ اراضی پر سالٹ رینج نیشنل پارک کے قیام کے نوٹیفکیشن کی منظوری دی تھی۔سردار عثمان بزدار کا کہنا تھا کہ نیشنل پارک میں درخت کاٹنے اور شکار پر پابندی ہوگی، پارک کی اراضی کسی دوسرے مقصد کے لیے استعمال نہیں ہوسکے گی۔

fb-share-icon0
Tweet 20

Comments

comments

یہ بھی پڑھیں