site
stats
پاکستان

کشمیریوں کی اخلاقی،سیاسی اورسفارتی حمایت جاری رکھیں گے،نوازشریف

اسلام آباد : وزیراعظم نوازشریف نے کہا ہے کہ بھارت نے ریاستی آپریشن کے ذریعے مقبوضہ کشمیر میں کشمیریوں کو چھلنی کیا،مظلوم کشمیری بھائیوں کی مددکرنا چاہتے ہیں۔

اپنے ایک بیان میں وزیر اعظم پاکستان میاں محمد نواز شریف نے کہا کہ بھارت ریاستی آپریشن کے ذریعے مقبوضہ کشمیرمیں انسانی حقوق کی پامالی کررہاہے،مظلوم کشمیریوں کی حالت زارمقبوضہ وادی میں مالی اور انسانی وسائل بھیجنے کی متقاضی ہے۔

پاکستان پیلٹ گن کا نشانہ بننے والے کئی کشمیری بینائی سے محروم ہو چکے ہیں اسی لیے حکومتِ پاکستان بینائی سے محروم افراد کوطبی سہولیات فراہم کرنا چاہتی ہے تا ہم بھارت اپنی ہٹ دھرمی پرقائم ہے اور مظلوم کشمیریوں کوطبی امداد تک رسائی کی بھی اجازت نہیں دے رہا بلکہ بھارتی فورسزاسپتالوں اورایمبولینسزکوبھی نشانہ بنا رہی ہیں،اس لیےعالمی برادری پاکستان کی طرف سے طبی امداد کی فراہمی کے لیے اپنا اثرورسوخ استعمال کرے۔

وزیراعظم پاکستان نے اس عزم کا اعادہ کیاکہ کشمیریوں کی اخلاقی سیاسی اور سفارتی حمایت جاری رکھیں گےاورحکومت پاکستان زخمی کشمیریوں کے سفر،قیام اورعلاج کے اخراجات بھی برداشت کرے گی۔

وزیراعظم نے وزارت خارجہ کوہدایت کی ہے کہ زخمی کشمیریوں کے علاج کیلیے انتظامات کیے جائیں،پیلٹ گن کا شکارافراد کی آنکھوں کےعلاج کا فوری طورپرانتظام کیا جائے اور وزارت خارجہ کشمیریوں کی مدد کیلئے عالمی قیادت کو متحرک کرے۔

وزیراعظم نے پاکستانی سفارت خانے کو ہدایت کی کہ پاکستانی سفارت خانے انسانی حقوق کی تنظیموں اورسول سوسائٹی کوبھارت پردباؤ ڈالنے کیلئے متحرک کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top