site
stats
پاکستان

کراچی: فیڈرل بی ایریا میں زیر زمین چھپایا گیا اسلحہ برآمد

کراچی: صوبہ سندھ کے دارالحکومت کراچی میں پولیس نے فیڈرل بی ایریا کے علاقے سے زیر زمین چھپائی گئی اسلحے کی کھیپ برآمد کرلی۔

تفصیلات کے مطابق کراچی پولیس نے بڑی کارروائی کرتے ہوئے گھر سے کھدائی کے دوران اسلحے کا ذخیرہ برآمد کرلیا۔

اسلحہ و بارود کی موجودگی کی خفیہ اطلاع پر پولیس کے جوانوں نے فیڈرل بی ایریا بلاک 15 کے ایک گھر کا محاصرہ کیا۔ کھدائی کے دوران گھر سے بھاری ہتھیار برآمد ہوئے۔ پولیس کے ہاتھ لائٹ مشین گن بھی لگی۔

پولیس کا کہنا ہے کہ برآمد شدہ اسلحہ کس کس کارروائی میں استعمال ہوا فرانزک ٹیسٹ سے پتہ چلے گا۔ مالک مکان کی گرفتاری کی کوششیں شروع کردی گئی ہیں جس کے بعد ہی تفتیش میں پیش رفت ہو سکے گی۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top