کراچی میں رینجرز کی کارروائی،اسلحے کابڑا ذخیرہ برآمد -
The news is by your side.

Advertisement

کراچی میں رینجرز کی کارروائی،اسلحے کابڑا ذخیرہ برآمد

کراچی کے علاقے شاہ فیصل اور برنس روڈ کے قریب رینجرز کی کارروائیاں، زمین میں چھپایاگیا اسلحہ اور گولیاں برآمد کرلی گئیں۔

ترجمان رینجرز کے مطابق پاکستان رینجرز سندھ نے خفیہ معلومات کی بنیاد پر شاہ فیصل کالونی ملیر کے علاقے میں کارروائی کرتے ہوئیے سیاسی جماعت کے عسکری ونگ کے زیر استعمال خطرناک اسلحے کا ایک بہت بڑا ذخیرہ قبضے میں لے لیا۔

ترجمان رینجرز کے مطابق برآمد کیے گئے اسلحہ میں ایک عدد آر پی جی سیون، آٹھ عدد راکٹ لانچر بمعہ سات عدد فیوز، تین عددہیوی مشین گن بمعہ 1820 راؤنڈ، اور پانچ میگزین، ایک عدد رائفل جی تھری، بمعہ 1105 راؤنڈ، اور دو عدد میگزین، آٹھ عد ایس ایم جیز بمعہ 1018 راؤنڈ، اور 12 میگزین، دو عدد سیون ایم ایم رائفل بمعہ 250 راؤنڈ اور ایک میگزین، 12 بور رائفل کے 17 کارتوس اور دو عددواکی ٹاکی سیٹ شامل ہیں، برآمد کیاگیا اسلحہ اور ایمونیشن شہر میں بدامنی پھیلانے اور ٹارگٹ کلنگ میں استعمال ہونا تھا ۔

Rangers

رینجرز نے برنس روڈ میں سیکٹر آفس کے قریب ٹارگٹڈ کارروائی کی جہاں زمین میں چھپایا گیا اسلحہ اورگولیاں برآمد کی گئیں، رینجرز ذرائع کے مطابق زمین سے نکلنے والے اسلحہ میں 14 ہتھیار اور آٹھ ہزار سے زائد گولیاں ہیں ، رینجرز حکام کے مطابق کاررائی گرفتار ملزم کی نشاندھی میں کی گئی۔

Comments

comments

یہ بھی پڑھیں