The news is by your side.

Advertisement

گرمی کے زور کا “توڑ” کیجیے!

قدرت نے ہمیں اپنی روزانہ کی غذائی ضروریات پوری کرنے کے ساتھ ساتھ موسموں کے اتار چڑھاؤ کے دوران اپنی صحت کی حفاظت اور توانائی برقرار رکھنے کے لیے تمام نعمتوں سے نوازا ہے۔ پھلوں کو غذائیت کا خزانہ کہا جاتا ہے اور اللہ تعالیٰ نے ہمیں ہر موسم کے اعتبار سے پھل عطا کیے ہیں جن کا استعمال ہماری صحت اور تن درستی برقرار رکھتا ہے۔

موسمِ گرما میں جسم میں پانی کی کمی ایک بڑا مسئلہ ہے جسے دور کرنے اور گرمی کی شدت کے اثرات سے محفوظ رہنے کے لیے اس موسم میں کئی پھل موجود ہیں۔ یہ پھل جہاں جسم میں پانی کی کمی پوری کرتے ہیں، وہیں ہماری غذائی ضرورت بھی پوری کرتے ہیں۔ ان پھلوں کی افادیت اور موسم گرما میں ان کے استعمال کی اہمیت جانیے۔

تربوز
موسم گرما میں جسم میں پانی کی کمی ہوجاتی ہے اس کمی کو دور کرنے میں تربوز کا استعمال نہایت مددگار ثابت ہوتا ہے۔

آم
پھلوں کے بادشاہ کی مختلف اقسام بازار میں موجود ہیں۔ آم کو چھیل کر یا کاٹ کر کھانے کے علاوہ اس کا جوس پینا جسم کو توانائی فراہم کرتا ہے۔

فالسہ
فالسہ خوش ذائقہ اور فرحت بخش پھل ہے اور گرمیوں میں اس کا شربت جہاں گرمی کا توڑ اور صحت کے لیے مفید ثابت ہوتا ہے، وہیں آپ خود کو تروتازہ محسوس کرتے ہیں۔

چیری
یہ خوش ذائقہ اور رسیلا پھل ہے جس کے گودے میں شامل قدرتی اجزا ہماری صحت اور توانائی بحال کرنے کا ذریعہ بنتے ہیں۔

اسٹرابیری
اسٹرابیری بڑے ہوں یا بچے سبھی شوق سے کھاتے ہیں- یہ رسیلا پھل ہے جو میٹھا اور ترش بھی ہوتا ہے۔

اسی طرح پپیتا، لیچی، خوبانی، انگور بھی بازار میں موجود ہیں جو ایک طرف تو غذائیت اور جسم کو توانائی فراہم کرتے ہیں، وہیں‌ موسم گرما کی شدت سے محفوظ رکھنے میں بھی مددگار ثابت ہوسکتے ہیں۔

Comments

یہ بھی پڑھیں