The news is by your side.

Advertisement

موسم کی تازہ ترین صورت حال، پی ڈی ایم اے کا الرٹ

کراچی: محکمہ موسمیات کی جانب سے موسم کی تازہ ترین صورت حال کے ساتھ پی ڈی ایم اے کا الرٹ جاری ہوا ہے۔

اے آر وائی نیوز کے مطابق مغربی ہواؤں کا سلسلہ پیر (رات) سے ملک کے مغربی علاقوں میں داخل ہو گا، اور جمعرات تک جاری رہنے کا امکان ہے۔

ملک کے بالائی اور وسطی علاقوں میں آندھی، تیز ہواؤں اور گرج چمک کے ساتھ بارش اور برف باری / ژالہ باری متوقع ہے۔

این ڈی ایم اے نے صوبائی اور ضلعی ڈیزاسٹر منیجمنٹ اتھارٹیز اور دیگر متعلقہ اداروں کو کسی بھی قسم کی ہنگامی صورت حال سے نمٹنے کے لیے ہدایات جاری کر دی ہیں، تاکہ کسی بھی قسم کے جانی و مالی نقصان سے بچاؤ کو یقینی بنایا جا سکے۔

پی ڈی ایم اے اور ڈی ڈی ایم اے کو تمام متعلقہ اداروں کے ساتھ رابطے میں رہنے کی ہدایات بھی جاری ہوئی ہیں، تاکہ موسم کی وجہ سے راستے بلاک ہونے کی صورت میں بر وقت اقدامات کیے جا سکیں۔

ترجمان این ڈی ایم اے کے مطابق متعلقہ اداروں کو ہدایت کی گئی ہے کہ مسافروں اور سیاحوں کو موسم کی تازہ ترین صورت حال سے مسلسل آگاہ رکھا جائے۔

Comments

یہ بھی پڑھیں