The news is by your side.

Advertisement

کراچی میں موسم آج گرم اور خشک رہے گا، محکمہ موسمیات

کراچی: محکمہ موسمیات کا کہنا ہے کہ کراچی میں آج موسم گرم، خشک اور مطلع مکمل صاف رہے گا۔

تفصیلات کے مطابق محکمہ موسمیات کا کہنا ہے کہ آج کراچی میں موسم گرم اور خشک رہے گا، شہر کا کم سے کم درجہ حرارت 30 ڈگری سینٹی گریڈ جبکہ زیادہ سے زیادہ درجہ حرارت37 سینٹی گریڈ تک رہنے کا امکان ہے۔محکمہ موسمیات کے مطابق ہوا میں نمی کا تناسب 71 فیصد ریکارڈ کیا گیا۔

صوبہ سندھ کے شہر جیکب آباد میں آج صبح سے سورج تیور دکھا رہا ہے جہاں درجہ حرارت 39 ڈگری سینٹی گریڈ ریکارڈ کیا گیا، لاڑکانہ میں 38 ڈگری، خانیوال فیصل آباد اور گوجرانولہ میں درجہ حرارت 35 ڈگری تک پہنچ گیا۔

محکمہ موسمیات کے مطابق جمعرات سے منگل تک موسم ابرآلود رہے گا، پنجاب،خیبرپختونخوا،، کشمیر،سندھ اور شمال مشرقی بلوچستان میں بارش برسے گی اور تیز ہوائیں بھی چلیں گی۔

کے پی میں بارشوں کا نیا سلسلہ آج رات سے شروع ہونے کا امکان ہے،پی ڈی ایم اے نے ضلعی انتظامیہ اور متعلقہ اداروں کو ایڈوائزری جاری کر دی۔محکمہ موسمیات کا کہنا ہے کہ کے پی میں آج سے 2 جون تک تیز ہواؤں،بارشوں کا امکان ہے۔

ڈی جی پی ڈی ایم اے نے بارشوں کے پیش نظرضلعی انتظامیہ،ریسکیو1122،متعلقہ اداروں کو الرٹ رہنے کی ہدایت کر دی۔پی ڈی ایم اے کا کہنا ہے کہ کسان گندم کی کٹائی میں احتیاتی تدابیر اختیار کریں۔

fb-share-icon0
Tweet 20

Comments

comments

یہ بھی پڑھیں