The news is by your side.

Advertisement

کراچی میں شروع ہونے والا بونداباندی کا سلسلہ پورے جون میں جاری رہے گا ، محکمہ موسمیات

کراچی : شہر قائد کے شہریوں کیلئے خوشخبری محکمہ مو سمیات نے جون میں بوندا باندی کاسلسلہ جاری رہنے کی پیش گو ئی کردی جبکہ راولپنڈی، اسلام آباد، لاہور اور پشاور میں بارش اور ژالہ باری سے گرمی کا زور ٹوٹ گیا۔

تفصیلات کے مطابق حکومت سے تو لوڈ شیڈنگ ختم نہ کی جاسکی لیکن قدرت روزہ داروں پر مہربان ہوگئی، ڈائریکٹر محکمہ موسمیات عبدالرشید کا کہنا ہے کہ کراچی میں شروع ہونے والا بوندا باندی کا سلسلہ پورے جون میں جاری رہے گا جبکہ رواں ہفتے موسم خوشگوار رہے گا، شہر میں بارشوں کا آغاز جولائی میں متوقع ہے۔

دوسری جانب راولپنڈی ، اسلام آباد سمیت پنجاب اور خیبرپختونخوا میں تیز ہوا کے ساتھ برکھا برسی تو گرمی کی شدت کم ہوگئی، لاہور میں بھی تیز ہواؤں کے ساتھ کالی گھٹائیں جم کر برسیں، پشاور، مانسہرہ اور گردونواح میں بھی بادلوں نے خوب زور دکھایا۔

مری اور سوات سمیت بالائی علاقوں میں بھی بارش اور ژالہ باری نے رنگ جمادیا۔

محکمہ موسمیات کے مطابق رواں ہفتے ملک کے بالائی اور وسطی علاقوں میں مزید آندھی اور بارش کی نوید سنائی ہے، خیبرپختو نخوا،فاٹا، گلگت بلتستان،کشمیر، راولپنڈی، گوجرانوالہ، سرگودھا، لاہور،فیصل آباد ڈویژن اور اسلام آباد میں وقفے وقفے کے ساتھ کہیں کہیں تیز ہوا کے ساتھ بادل برس سکتے ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں