کراچی میں اپنی شادی کی خوشی میں فائرنگ کرنے والا دولہا مشکل میں پڑ گیا۔
تفصیلات کے مطابق بلدیہ ٹاؤن میں اپنی شادی میں ہوائی فائرنگ کرنے والا دولہا پکڑا گیا۔ گزشتہ روز بلدیہ محلہ کمہارواڑہ میں شادی میں ہوائی فائرنگ کا واقعہ پیش آیا تھا۔
گرفتار دولہا نے اپنی شادی میں 2ساتھیوں کے ہمراہ ہوائی فائرنگ کی تھی۔
پولیس کا کہنا ہے کہ ملزمان کی فائرنگ سے انور سلطانہ نامی ایک خاتون زخمی ہوگئی تھی، گرفتار ملزم کی شناخت ارباز خان کے نام سے ہوئی جب کہ دیگر کی تلاش جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں