بھارت میں ہیٹ ویو نے تباہی مچا رکھی ہے جس کے نتیجے میں متعدد افراد ہلاک ہوچکے ہیں ایسے میں شادی میں آئے باراتیوں کے لیے اے سی کا انوکھا جگاڑ نکالا گیا جس کی ویڈیو وائرل ہوگئی۔
وائرل ویڈیو کو ٹویٹر پر آئی پی ایس آفیسر اونیش شرن نے مندرجہ ذیل کیپشن کے ساتھ شیئر کیا ہے: "تھریشر کی ہوا کے ساتھ مہمانوں کا استقبال زبردست آئیڈیا”۔
اس کلپ میں باراتیوں کے لیے ایئر کنڈیشنگ سسٹم کے طور پر استعمال ہونے والی ایک تھریشنگ مشین کو دکھایا گیا ہے جو شادی کے مقام پر پہنچ رہے تھے۔
ویڈیو میں دیکھا جاسکتا ہے کہ لوگوں کو داخلی دروازے پر ’جگاڑ اے سی‘ کی ٹھنڈی ہوا سے لطف اندوز ہوتے اور اس کے سامنے تصویریں لیتے ہوئے بھی دیکھا جا سکتا ہے۔
“थ्रेशर” की हवा से बारातियों का स्वागत. ग़ज़ब का आइडिया. pic.twitter.com/ewV1XeVZqG
— Awanish Sharan (@AwanishSharan) May 10, 2022
تھریشر مشین انسان کے بنائے ہوئے آبی ذخائر کے اوپر لگائی گئی تھی تو وہ ٹھنڈی ہوا ہی نہیں بلکہ مہمان اس سے لطف اندوز بھی ہورہے تھے۔
مذکورہ ویڈیو کو اب تک لاکھوں صارفین دیکھ چکے ہیں اور اس پر دلچسپ تبصرے بھی کررہے ہیں ایک صارف نے لکھا کہ بھارت جگاڑ کے نام سے ہی جانا جاتا ہے۔
