امریکی اسٹریمنگ سروس نیٹ فلکس نے مقبول ترین ہارر کامیڈی ویب سیریز وینزڈے کے سیزن 2 کا اعلان کردیا۔
معروف امریکی ٹی وی سیریز دی ایڈمز فیملی کی اسپن آف سیریز وینزڈے 23 نومبر کو نیٹ فلکس پر ریلیز کی گئی تھی جس نے مقبولیت کے ریکارڈز توڑ دیے۔
وینزڈے کی کہانی ایڈمز جوڑے کی بیٹی وینزڈے ایڈمز کے گرد گھومتی ہے جو ایک قتل کا سراغ لگاتی ہے۔
اس سیریز کے سیزن 2 کے بارے میں مختلف قیاس آرائیاں کی جارہی تھیں تاہم اب نیٹ فلکس کی جانب سے تصدیق کردی گئی ہے کہ سیریز کا دوسرا حصہ بھی پیش کیا جائے گا۔
Wednesday now holds the record for most hours viewed in a week for an English-language series on Netflix, with 341.2 MILLION HOURS!
The series — starring Jenna Ortega from EPs Tim Burton, Al Gough & Miles Millar — is #1 in 83 countries, tying the record set by Stranger Things 4 pic.twitter.com/o8yhS2EmXF
— Netflix (@netflix) November 29, 2022
ٹم برٹن کی ہدایت کاری میں بننے والی اس سیریز نے مقبولیت میں اسٹرینجر تھنگز سیزن 4 کو بھی پیچھے چھوڑ دیا تھا، ریلیز کے پہلے ہی ہفتے میں وینزڈے کو ایک ارب گھنٹوں سے زائد بار دیکھا گیا۔
سیریز کو اب تک 83 ممالک میں دیکھا جاچکا ہے۔
اس سے پہلے نیٹ فلکس کی سیریز اسٹرینجر تھنگز سیزن 4 اور کورین سیریز اسکوئڈ گیمز نے مقبولیت کے ریکارڈز توڑے تھے۔