وزیراعظم عمران خان نے کہا ہے کہ ایئرعربیہ گروپ کا پاکستان میں خیرمقدم کرتا ہوں اور ایک نئی پاکستانی ایئرلائن ”فلائی جناح“کےقیام کیلئےانکےمقامی سرمایہ کاروں سے اشتراک کی کامیابی کیلئےدعاگو ہوں۔
تفصیلات کے مطابق وزیر اعظم عمران خان سے ائیر عربیہ گروپ کے چیئرمین نے ملاقات کی جس میں وفاقی وزرا فواد چوہدری، غلام سرورخان اور دیگر موجود تھے۔
ملاقات کےدوران پاکستان کی کمرشل ہوا بازی صنعت میں سرمایہ کاری کے امور پر گفتگو کی گئی۔ اس موقع پر وزیراعظم نے کہا کہ حکومت پاکستان سرمایہ کاروں کیلئےآسانیاں پیدا کر رہی ہے چاہتے ہیں پاکستان سرمایہ کاروں کی ترجیحی منزل ہو۔
وزیر اعظم عمران خان سے ائیر عربیہ گروپ کے چیرمین شیخ عبد اللہ بن محمد الثانی کی اسلام آباد میں ملاقات۔حکومت پاکستان سرمایہ کاروں کے لیے آسانیاں پیدا کر رہی ہے۔
1/2@ImranKhanPTI pic.twitter.com/MxMIxTwCpF— PTV News (@PTVNewsOfficial) September 3, 2021
وزیر اعظم نے کہا کہ سیاحت کےفروغ کیلئےکمرشل ایئرلائنز کی سرمایہ کاری کوخوش آمدید کہتے ہیں۔
بعدازاں ٹوئٹر پیغام میں وزیراعظم نے کہا کہ کہ ایئرعربیہ گروپ کا پاکستان میں خیرمقدم کرتا ہوں اور ایک نئی پاکستانی ایئرلائن ”فلائی جناح“کےقیام کیلئےانکےمقامی سرمایہ کاروں سے اشتراک کی کامیابی کیلئےدعاگو ہوں، میری حکومت پاکستان میں تیزی سےپھلتےپھولتےسفروسیاحت کے شعبے میں سرمایہ کاری کےفروغ کاعزم کئے ہوئے ہے جو مواقع سےبھرپور ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں