The news is by your side.

Advertisement

مشتاق احمد ویسٹ انڈیز کرکٹ ٹیم کے عبوری بالنگ کوچ مقرر

لاہور: سابق لیگ اسپنر قومی کرکٹ ٹیم مشتاق احمد ویسٹ انڈیز کرکٹ ٹیم کے عبوری بالنگ کوچ مقرر ہوگئے ہیں۔

مشتاق احمد اس سے قبل پاکستان سپر لیگ، انڈین پریمیئر لیگ، سرے کاؤنٹی اور انگلش کرکٹ بورڈ میں کوچنگ کی ذمہ داریاں ادا کرچکے ہیں۔

مشتاق احمد کا نیشنل کرکٹ اکیڈمی سے ہیڈ کوچ کا معاہدہ رواں ماہ ختم ہورہا ہے، مشتاق احمد رواں ماہ ویسٹ انڈین ٹیم کو جوائن کریں گے۔

ویسٹ انڈیز کے ساتھ معاہدے کو مشتاق احمد نے اعزاز قرار دیتے ہوئے کہا کہ ویسٹ انڈیز میں بالنگ کا بہترین ٹیلنٹ موجود ہے اور وہ اس حوالے سے خاصے پرجوش ہیں۔

واضح رہے کہ جب مشتاق احمد انگلش ٹیم کے ساتھ بطور اسپن بالنگ کنسلٹنٹ فرائض انجام دے رہے تھے تو اسی دور میں انگلش ٹیم ورلڈ ٹی ٹوئنٹی کی چیمپئن بنی تھی۔

یاد رہے کہ انگلینڈ سے واپسی کے بعد مشتاق احمد کو نیشنل کرکٹ اکیڈمی کا ہیڈ کوچ مقرر کیا گیا تھا، مشتاق احمد سے حال ہی میں سری لنکا اور ویسٹ انڈیز کرکٹ بورڈ نے رابطے کئے تھے تاہم لیگ اسپنر ویسٹ انڈیز میں عبوری بالنگ کوچ کے فرائض انجام دیں گے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں