ویسٹ انڈیز کی ٹیم نے میرے ملک کا دورہ کیا، پاکستان کو سپورٹ کرتی رہوں گی، شانیرا اکرم -
The news is by your side.

Advertisement

ویسٹ انڈیز کی ٹیم نے میرے ملک کا دورہ کیا، پاکستان کو سپورٹ کرتی رہوں گی، شانیرا اکرم

کراچی: کراچی کنگز کے صدر اور قومی کرکٹ ٹیم کے سابق کپتان وسیم اکرم کی اہلیہ نے نیشنل اسٹیڈیم میں پاکستان اور ویسٹ انڈیز کی ویمنز ٹیم کا میچ دیکھا اور انٹرنیشنل میچز کی واپسی کو خوش آئند قرار دیا۔

اے آر وائی نیوز کے نماندے سے گفتگو کرتے ہوئے شانیرا اکرم کا کہنا تھا کہ خوشی ہے ویسٹ انڈیز کی ٹیم نے میرے ملک کا دورہ کیا، جب ایک ملک کی ٹیم آسکتی ہے تو دیگر ٹیموں کو بھی پاکستان آکر کھیلنا چاہیے۔

اُن کا کہنا تھا کہ میری ذاتی خواہش ہے آسٹریلیا کی ویمنز ٹیم بھی پاکستان آئے اور میچز کھیلے، ٹی 20 کی سابق چیمپئن ٹیم کا ہمارے ملک آنا کرکٹ کی جیت ہے، میں ہر پلیٹ فارم پر پاکستانی ٹیم کو سپورٹ کروں گی۔

دوسری جانب قومی کرکٹ ٹیم کی سابق کپتان ثنا میر نے فتح اپنے مداحوں کے نام کرتے ہوئے کہا کہ ’ہمیں فیلڈنگ اور باؤلنگ میں بہتری کی ضرورت ہے، ٹیم میں اتحاد ہے‘۔

اُن کا کہنا تھا کہ قومی کرکٹ ٹیم کے کپتان نے اسٹیڈیم آکر میچ دیکھا اور ٹیم کے لیے اپنی نیک خواہشات کا اظہار کیا جس کی وجہ سے تمام کھلاڑیوں کو ایک نیا جذبہ ملا، ہم گراؤنڈ میں کوشش کرتے ہیں مگر نتیجہ اللہ کے ہاتھ میں ہوتا ہے۔

ثنا میر کا کہنا تھا کہ خواتین کرکٹ کوسمجھنے میں لوگوں کو وقت لگا، خواتین کرکٹ کے لیے جدوجہد کی، ہماری فتح میں سب سے اہم بات پاکستان کی جیت ہوتی ہے، کرکٹ ایسا کھیل ہےجو رلا تا زیادہ خوشی کا احساس کم دیتا ہے’۔

ایک سوال کے جواب میں ثنا میر کا کہنا تھا کہ ’خوشی ہے پاکستان کی جانب سےسب سے زیادہ میچ کھیلے، جب تک کرکٹ کوانجوائے کررہی ہوں کھیلتی  رہوں گی، آئندہ بھی اچھا کھیل پیش کرنے کی کوشش کروں گی‘۔

قومی کرکٹ ٹیم کی سابق کپتان کا کہنا تھا کہ ویسٹ انڈیز کی ٹیم نےجوبہادری دکھائی وہ قابل تعریف ہے، مہمان کپتان ہمارے درمیان گھل مل گئیں اور یہی کھیلوں کی خوبصورت بات ہے۔

ویسٹ انڈیز کے خلاف میچ میں شاندار کامیابی دکھانے والی قومی کھلاڑی ندا ڈار کا کہنا تھا کہ ’شروع سے آفریدی کو فالو کرتی ہوں، آنے والی لڑکیوں کو ابھی سے عالمی کرکٹ کا معیار نظر آرہا ہے، ایک کھلاڑی کو اپنے انداز سے کھیلنا ہی اچھا لگتا ہے’۔

Comments

comments

یہ بھی پڑھیں