بیلوگا نسل کی ایک وہیل مچھلی نے سمندر میں گرنے والا آئی فون خاتون کو واپس کر کے لوگوں کے دل موہ لیے۔
ایک نہایت دل چسپ ویڈیو سامنے آئی ہے جس میں وہیل مچھلی ایک خاتون کا آئی فون سمندر سے نکال خاتون کو واپس کرتی دکھائی دیتی ہے۔
بہ ظاہر یہ ایک ناقابل یقین منظر تھا، کیوں کہ عام طور پر وہیل مچھلی خطرناک تصور کی جاتی ہے، لیکن بیلوگا نسل کی وہیل مچھلی ڈولفن کی طرح انسانوں سے دوستی کرنے کی صلاحیت رکھتی ہے۔
یہ ویڈیو ناروے کی ہے، جس میں ایک سیاح خاتون کا آئی فون سمندر میں تیرتی بیلوگا وہیل نے دانتوں میں پکڑ کر واپس لا کر دیا۔
ویڈیو میں دیکھا جا سکتا ہے کہ وہیل مچھلی اپنے کارنامے پر منہ کھول کر خوشی کا ردِ عمل بھی ظاہر کر رہی ہے۔
Beluga whale saves an iPhone from the sea in Norway: pic.twitter.com/5VyfLTTSpo
— 🧠Slava Bobrov (@slava__bobrov) August 31, 2022
بیلوگا وہیل کے کارنامے پر ساحل پر موجود خواتین نے خوشی کے ساتھ ساتھ حیرت کا بھی اظہار کیا، اور وہ وہیل کے منھ کو چھونے کی کوشش کرتی رہیں۔