The news is by your side.

Advertisement

سعودی حکومت بدھ کے دن کون سا بڑا اعلان کرنے جا رہی ہے؟

ریاض: سعودی عرب میں قومی ورثے کے محکمے کی سرپرستی میں مشترکہ سعودی اور بین الاقوامی ٹیموں نے تاریخی دریافت میں کامیابی حاصل کی ہے۔

تفصیلات کے مطابق سعودی عرب میں قومی ورثے کا محکمہ بدھ کو ریاض میں پریس کانفرس کے دوران مملکت میں اہم تاریخی دریافت کا اعلان کرے گا۔

محکمے کے ایگزیکٹیو چیئرمین ڈاکٹر جاسر الحربش نئی دریافت کے حوالے سے نہ صرف آگاہ کریں گے بلکہ وہ یہ بھی بتائیں گے کہ کہاں کب اور کیسے تاریخی دریافت تک رسائی ممکن ہوسکی۔

ڈاکٹر جاس الحربش یہ بھی بتائیں گے نئی تاریخی دریافت کی کیا اہمیت ہے اور اس کے تناظر میں سعودی عرب کی تاریخی حیثیت اجاگر ہوگی۔انسانی تمدنوں کے سنگم کی حیثیت سے مملکت کی شناخت ابھر کر سامنے آئے گی۔

سعودی اور بین الاقوامی ذرائع ابلاغ کے نمائندے شریک ہوں‌ گے۔اس موقع پر تاریخی دریافت کی تصاویر بھی جاری کی جائیں گی۔

سعودی اور بین الاقوامی ریسرچ سینٹرز اور انسٹیٹیوٹس کا تعارف بھی پیش کیا جائے گا جو تاریخی مقامات کی تلاش کے منصوبوں میں محکمے سے تعاون کر رہے ہیں۔

fb-share-icon0
Tweet 20

Comments

comments

یہ بھی پڑھیں