The news is by your side.

Advertisement

کراچی: بینک ڈکیتی کے بعد نوٹوں بھرا تھیلا لیے فرار ہوتے ملزمان کی موٹر سائیکل خراب (ویڈیو)

کراچی: شہر قائد کے علاقے نیو کراچی میں دو منٹ چورنگی پر آج ایک بینک میں کی گئی ڈکیتی کے بعد جب ڈکیت فرار ہو رہے تھے تو اس دوران ان کی موٹر سائیکل خراب ہو گئی تھی۔

اے آر وائی نیوز کے مطابق بینک ڈکیتوں کے واردات کے بعد فرار ہونے کی ایک حیرت انگیز ویڈیو سامنے آ گئی ہے، جس میں دیکھا جا سکتا ہے کہ کس طرح جب ڈکیت موٹر سائیکل خراب ہونے پر نہایت سراسیمہ تھے لیکن اس حالت میں بھی انھوں نے دو منٹ چورنگی پر دو منٹ میں واردات کر کے فرار ہونے میں کامیابی حاصل کی۔

ڈکیتوں کی خراب موٹر سائیکل جو اب پولیس کے قبضے میں ہے

اس سی سی ٹی وی فوٹیج میں دیکھا جا سکتا ہے کہ موٹر سائیکل خراب ہونے کے باوجود ملزمان فرار کیسے ہو گئے؟ ویڈیو میں ڈکیتی کے بعد 2 ملزمان کو فرار ہوتے دیکھا جا سکتا ہے۔

بینک کا زخمی سیکورٹی گارڈ

ایک ملزم کے ہاتھ میں نوٹوں سے بھرا تھیلا بھی دیکھا جا سکتا ہے، ملزمان نہایت خوف و ہراس کے عالم میں ادھر ادھر بھاگتے پھرے، اور اس دوران ایک نے سامنے سے آنے والے شہری کو اسلحے کے زور پر روکا اور اس سے موٹر سائیکل چھین لی۔

ڈکیت خوف کے عالم میں ادھر ادھر بار بار دیکھ رہے تھے، اور مسلسل حرکت میں تھے، اس دوران انھوں نے لوگوں کو ڈرانے کے لیے فائرنگ بھی کی، اور گولیاں وہاں کھڑی ایک گاڑی، بینک کے شیشے اور کھمبے پر لگیں۔

شہر قائد میں دن دہاڑے ایک اور بینک کا صفایا

خیال رہے کہ کراچی کی 2 منٹ چورنگی پر یہ واردات 2 منٹ میں انجام دی گئی تھی، ڈاکو 11 بج کر 8 منٹ پر بینک میں گھسے، اور 11 بج کر 10 منٹ پر فرار ہو گئے، اس دوران ڈاکو بینک سے 10 لاکھ روپے سے زائد رقم لے اڑے۔

واضح رہے کہ آج نیو کراچی دو منٹ چورنگی کے قریب 4 ملزمان نے نجی بینک میں داخل ہو کر اسلحے کے زور پر بینک اسٹاف اور سیکیورٹی عملے کو یرغمال بنا کر یہ واردات کی تھی، 2 سیکیورٹی گارڈز نے مزاحمت کی کوشش کی تو ملزمان نے رائفل کے بٹ مار کر انھیں زخمی کیا اور بینک سے نقدی لوٹ کر فرار ہوگئے۔

Comments

یہ بھی پڑھیں