ریاض: سعودی عرب میں کرفیو کا مذاق اڑاتے ہوئے شہریوں کو خلاف ورزی پر اکسانا مقامی لڑکی کو مہنگا پڑگیا، پبلک پراسیکیوشن نے گرفتاری کا حکم دے دیا۔
عرب میڈیا کی رپورٹ کے مطابق سوشل میڈیا پر سعودی لڑکی کی ایک ویڈیو وائرل ہوئی جس میں اس نے شہریوں کو کرفیو کی خلاف ورزی پر اکسایا جس پر متعلقہ ادارے کی جانب سے گرفتاری کا حکم سامنے آگیا۔
لڑکی نے قوانین کی خلاف ورزی کرتے ہوئے ویڈیو میں کہا تھا کہ ’میں کسی بھی صورت میں گھر سے باہر نکلوں گی، چاہے اس پر بھاری سے بھاری جرمانہ کیوں نہ ہوجائے‘۔
پبلک پراسیکیوشن کا کہنا ہے کہ سعودی خاتون نے کرفیو توڑنے پر لوگوں کو اکسایا ہی نہیں بلکہ ملک کے ولی امر کے حکم کی خلاف ورزی پر بھی عوام الناس کو اکسانے کی کوشش کی ہے۔
کروناوائرس: سعودی عرب میں شہری کیوں گرفتار ہوا؟
متعقلہ اداروں کو خصوصی احکامات جاری کردیے۔ قانون نافذ کرنے والے ادارے لڑکی کی گرفتاری کے لیے تحقیقات کررہے ہیں۔ ممکنہ طور پر جلد گرفتاری عمل میں آئے گی۔
