The news is by your side.

Advertisement

ماں کرونا کا شکار، شیرخوار کے ساتھ کیا ہوا؟ ویڈیو وائرل

نئی دہلی: بھارت میں ماں کے کروناوائرس کا شکار ہونے پر نرسوں نے انسانیت کی نئی مثال قائم کردی۔

غیرملکی خبررساں ادارے کی رپورٹ کے مطابق بھارتی شہر جے پور کے ایک اسپتال میں ماں کا کروناوائرس ٹیسٹ مثبت آیا جس کے باعث اس کی 3 ماہ کی کمسن بیٹی کو نرسوں نے گود لے لیا۔

رپورٹ میں کہا گیا ہے کہ آل انڈیا انسٹیٹیوٹ آف میڈیکل سائنس میں ایک خاتون کا کرونا ٹسیٹ مثبت آگیا جس کے باعث شیرخوار بچی کو ماں سے جدا کردیا گیا ہے۔

اسپتال کا عملہ اور نرس بچی کی خوب دیکھ بھال کررہے ہیں۔ وائرل ہونے والی ویڈیو میں دیکھا جاسکتا ہے کہ دو خواتین نرس بچی کو فیڈر کے ذریعے دودھ پلارہی ہیں۔ سوشل میڈٰیا پر وائرل ہونے والی ویڈیو پر صارفین نے خوب سراہا۔

ایک صارف نے لکھا کہ نرسوں نے انسانیت کی بہترین مثال قائم کی۔ خیال رہے کہ ماں میں کرونا علامات ظاہر ہونے کے بعد سے ہی بچی کو ماں سے الگ کرلیا گیا تھا، کچھ دنوں بعد قرنطینہ میں موجود ماں کا ٹیسٹ مثبت آیا۔

Comments

یہ بھی پڑھیں