The news is by your side.

Advertisement

سواری کے لیے پانی لانے والے رکشہ ڈرائیور کے ساتھ کیا ہوا؟

دہلی: سواری کے لیے پانی لانے والے رکشہ ڈرائیور کے ساتھ بڑا ہاتھ ہو گیا، ڈرائیور کو اپنے رکشے سے ہاتھ دھونے پڑ گئے۔

تفصیلات کے مطابق دہلی کے مکھر جی نگر میں ایک سواری نے رکشہ ڈرائیو کو چونا لگا دیا، ڈرائیور کو پانی لانے کے لیے بھیج کر اس کا رکشہ لے اڑا۔

پولیس رپورٹ کے مطابق ایک نوسرباز نے وجے نگر گردوارہ کے قریب ای رکشہ ڈرائیور کو پانی لانے بھیج کر وہاں سے ای رکشہ لے کر فرار ہو گیا، یہ واقعہ وہاں لگے سی سی ٹی وی میں ریکارڈ ہو گیا۔

بھارت کی کرونا وبا کے خلاف حکمت عملی بری طرح ناکام، عالمی جریدے نے بھانڈا پھوڑ دیا

رکشہ ڈرائیور کالو خان ​کا کہنا تھا کہ ایک سردار جی اس کے رکشے میں بیٹھے اور پانی کی بوتل لانے کے بہانے اسے دکان بھیج دیا، جب وہ واپس لوٹا تو اس کا رکشہ غائب تھا۔

واردات پر رکشہ ڈرائیور نے پولیس اسٹیشن میں ایف آئی آر درج کرائی، جس پر پولیس نے ملزم کی تلاش شروع کر دی ہے۔ پولیس رپورٹ کے مطابق رکشہ ڈرائیور کالو خان 6 بچوں کا باپ ہے اور آمدنی کا کوئی اور ذریعہ نہیں، جس سے وہ شدید معاشی پریشانی میں مبتلا ہو گیا ہے۔

واضح رہے کہ مودی سرکاری کی جانب سے بھارت میں لگائے گئے لاک ڈاؤن نے غریبوں کی کمر توڑ کر رکھ دی ہے، مزدوروں کے لیے ایک وقت کی روٹی کمانا بھی مشکل ہو چکا ہے، ملک کی ابتر صورت حال پر غیر ملکی جریدے فنانشل ٹائمز نے ایک چشم کشا رپورٹ شایع کر کے مودی سرکار کی ناکامیوں کا بھانڈہ پھوڑ دیا ہے۔

Comments

یہ بھی پڑھیں