ریاض: سعودی عرب میں آج خلیجی تعاون کونسل(جی سی سی) کا اہم اجلاس منعقد ہوگا۔
عرب میڈیا کی رپورٹ کے مطابق خلیجی تعاون کونسل کا اجلاس آج سعودی عرب میں منعقد ہونے جارہا ہے، اس اہم بیٹھک میں خلیجی ممالک کے درمیان تعلقات سمیت دیگر امور پر تبادلہ خیال کیا جائے گا۔
دنیا بھر کی طرح خلیجی ممالک کو بھی وبا کی صورت حال کا سامنا ہے، ممکنہ طور پر جی سی سی اجلاس میں کورونا کے حوالے سے بھی بات چیت کی جائے۔
رپورٹ کے مطابق قطر کے امیر شیخ تمیم جی سی سی اجلاس میں شرکت کریں گے۔ خیال رہے کہ 4سال بعد سعودی عرب نے قطر کے لیے اپنی سرحدیں کھولنے کا فیصلہ کیا ہے۔
سعودی ولی عہد اور امیرقطر کا بڑا فیصلہ
قبل ازیں محمد بن سلمان اور امیر قطر شیخ تمیم کے درمیان ٹیلیفونک رابطہ ہوا، اس دوران امیر کویت کی تجویز پر سعودی عرب اور قطر کے درمیان سرحدیں کھولنے کا فیصلہ کیا گیا۔
بری، بحری اور فضائی سرحدیں کھولنے کے فیصلے پر عمل درآمد آج رات سے شروع ہوجائے گا۔