لندن: برطانیہ میں کرونا کی دوسری لہر شدت کے ساتھ جاری ہے، ایسے میں خوفناک انکشاف سامنے آیا ہے کہ پھیپھڑے کے کینسر میں مبتلا مریضوں کو بھی اس مہلک وبا کے کھاتے میں ڈالاجارہاہے۔
بین الاقوامی میڈیا کی جانب سے جاری رپورٹ میں کہا گیا ہے کہ اس سال برطانیہ میں موسم بہارمیں پھیپھڑوں کے کیسز میں ریکارڈ 75 فیصد کمی واقع ہوئی ہے،جس سے ظاہر ہوتا ہے کہ پھیپھڑے کے کینسر میں مبتلا ان مریضوں کو بھی کرونا کے کھاتے میں ہی ڈالا گیا۔
اس ہولناک انکشاف کے بعد برطانیہ میں نیا ہنگامہ کھڑا ہوگیا ہے،ماہر میڈیسن پروفیسر ڈیوڈ بالڈون کا کہنا ہے کہ یہ پھیپھڑے کے کینسرجیسی موذی بیماری کو نظر انداز کرنے کے مترادف ہے، کیونکہ اس مرض سے ہونے والی اموات کو بھی کووڈ کا لیبل لگایا جارہاہے۔
دوسری جانب طبی ماہرین نے نتائج کومسترد کرتے ہوئے خبردار کیا کہ کوئی بھی عقل و فہم رکھنے والا با شعور شخص یہ جانتا ہے کہ ایک نسبتا معمولی سانس کی بیماری (کرونا وائرس) سے لڑنے کے لئے تمام ہیلتھ کیئر سسٹم کے عملے کو لگادینا زیادہ غیر ضروری اموات کا سبب بن سکتا ہے۔
واضح رہے کہ برطانیہ میں پھیپھڑوں کا کینسر سے سے مہلک تصور کیا جاتا ہے، جس کے باعث سالانہ پینتیس ہزار کے لگ بھگ افراد موت کاشکار ہوتے ہیں۔
