The news is by your side.

جاپان اومیکرون سے نمٹنے کے لئے کیا کرنے جارہا ہے؟

ٹوکیو: جاپان نے کرونا کی ذیلی قسم ‘اومی کرون’ سے نمٹنے کے حکمت عملی ترتیب دے دی ہے۔

غیر ملکی میڈیا رپورٹ کے مطابق حکومت جاپان نے کرونا کی متغیر قسم اومیکرون سے شہریوں کو بچانے کے لئے فوری طور پر ویکسی نیشن عمل شروع کرنے کا فیصلہ کیا ہے۔

حکام کے مطابق پہلے پہل یہ منصوبہ تھا کہ وہ شہری جو کرونا سے بچاؤ کی دو خوراکیں حاصل کرچکے انہیں اکتوبر میں بوسٹر ڈوز لگائی جائیں تاہم کرونا کی ساتویں لہر کے باعث اب اس مہم کو ستمبر میں شروع کرنے کا فیصلہ کیا گیا ہے۔

جاپان کے وزیر صحت نے غیر ملکی میڈیا سے گفتگو میں بتایا کہ ویکسین بنانے والی کمپنیوں کے ساتھ ہم آہنگی ہوگئی تو ویکسی نیشن کا عمل جلد شروع کردیا جائے گا،اس سلسلے میں کام تیزی سے جاری ہے۔

یہ بھی پڑھیں: چوبیس گھنٹوں کے دوران ملک میں کرونا کے 170 کیسز

وزیر صحت کاتو کاتسُونوبُو نے مزید کہا کہ فوری منصوبہ یہ ہے کہ اٹھارہ سال یا اس سے زائد عمر کے لوگوں کو اومی کرون ویکسین کے ٹیکے لگائے جائیں،کیونکہ عوام کو اسی کی توقع ہے۔

واضح رہے کہ ادویات ساز ادارے فائزر اور موڈرنا پہلے ہی اومی کرون کے بُوسٹر ٹیکوں کی منظوری کیلئے درخواستیں جمع کراچکی ہیں۔

Comments

یہ بھی پڑھیں