The news is by your side.

Advertisement

اقامہ کارڈ گم ہونے کی صورت میں کیا کریں؟

ریاض : سعودی حکام نے غیرملکیوں کے رہائشی پرمٹ ‘اقامہ’ کی گمشدگی کی صورت میں دوسرا کارڈ حاصل کرنے کا طریقہ کار واضح کردیا۔

غیر ملکی میڈیا کے مطابق سعودی حکام نے غیرملکیوں کی سہولت کیلئے اقامہ کارڈ سے ایکسپائری تاریخ ختم کردی تھی جس کے بعد کارڈ ایکسپائر ہونے کی صورت میں نیا پرنٹ کرانے کی ضرورت نہیں، بس مقررہ فیس ادا کرکے سسٹم میں ڈیٹا اپ ڈیٹ کرانا ہوگا۔

جوازات نے گمشدہ کارڈ گم ہونے کے سوال پر واضح کیا کہ اگر کسی کا کارڈ گم ہوجائے تو دوسرا کارڈ بنوایا جاسکتا ہے مگر اقامہ کارڈ ہونے کا 1 ہزار ریال جرمانہ ادا کرنا ہوگا۔

مقررہ قوائد و ضوابط کے مطابق اقامہ کارڈ گم ہونے پر اس کے بارے میں سب سے پہلے جوازات کے متعلقہ شعبے کو مطلع کرنا ضروری ہے، وہ علاقے جہاں جوازات کے ذیلی دفاتر نہیں، وہاں علاقے کے پولیس سٹیشن میں اقامہ گمشدگی کی رپورٹ درج کرائی جائے اور کارڈ گم ہونے کی جگہ بھی بتائی جائے۔

جرمانے کی ادائیگی اورجوازات کو مطلع کرنے کے بعد اقامہ ہولڈر کے اسپانسر کی جانب سے جوازات کو درخواست دینا ہوتی ہے، جس میں دوسرا اقامہ کارڈ جاری کرنے کے حوالے سے وضاحت درج کرتے ہوئے اقامہ گم ہونے کے مقام اور تاریخ کی بھی وضاحت کی جائے اور غیرملکی کے پاسپورٹ اور گمشدہ اقامے (اگر موجود ہو) کی کاپی ساتھ منسلک کی جائے اور کارڈ کی فیس ادا کی جائے گی جو جرمانے کے علاوہ ہوگی۔

Comments

یہ بھی پڑھیں