روم: کروناوائرس سمیت دیگر امراض سے بچاؤ کے لیے اطالوی کمپنی نے جہازوں میں خصوصی نشستیں نصب کرنے کا منصوبہ تیار کرلیا، طیارے کی سیٹوں کے اطراف دفاعی حصار لگایا جائے گا۔
غیرملکی خبررساں ادارے کی رپورٹ کے مطابق اٹلی کی ’ایویو انٹیریئر‘ نامی کمپنی نے طیارے کی نشستوں کی تیاری سے متعق نیا منصوبہ بنایا ہے جو کروناسمیت دیگر امراض کے پھیلاؤ کو روکنے میں معاون ثابت ہوگا۔
منصوبے کے تحت ٹرانسپیرنٹ گلاس کی مدد سے سیٹوں کے اطراف دفاعی حصار لگایا جائے گا جو مسافروں کے درمیان وائرس یا دیگر امراض کی منتقل میں اہم رکاوٹ کھڑی کرے گا۔ مذکورہ گلاس ہوڈ تمام نشستوں پر نصب کیا جائے گا۔
کمپنی کا کہنا ہے کہ اس اقدام کو مقصد جراثیم کی روک تھام کرنا ہے۔ خیال رہے کہ عموعی طور پر امراض مسافروں کے ذریعے دیگر افراد میں منتقلی کے خدشات ہوتے ہیں، اسی تناظر میں مذکورہ حکومت عملی تیار کی گئی۔
ایویو انٹیریئر نے منصوبے کی فرضی تصاویر بھی شایع کی ہیں۔
