The news is by your side.

Advertisement

دولت زیادہ اہم ہے یا محبت؟

ایک طویل عرصے سے اس بات پر بحث چلی آرہی ہے کہ انسان کی زندگی میں کون سی شے زیادہ اہم ہے، پیسہ یا محبت؟ مختلف افراد اپنے تجربات کی وجہ سے مختلف جواب دیتے ہیں۔

کچھ افراد کا کہنا ہے کہ محنت کر کے آپ پیسہ تو کما سکتے ہیں لیکن محبت نہیں، یہی وجہ ہے کہ محبت ایک نایاب اور قیتی شے ہے۔

اس کے برعکس کچھ افراد کا ماننا ہے کہ پیسہ زندگی کو سہل، آرام دہ اور رواں رکھتا ہے اور محبت نہ ملنے کا غم بھی غلط کر سکتا ہے۔

تاہم ایک بات طے ہے کہ انسان کو اسی شے کی قدر زیادہ ہوتی ہے جس سے وہ محروم ہو۔ بڑے بڑے دولتمند افراد محبت نہ ملنے کے احساس محرومی کا شکار ہوتے ہیں، جبکہ اپنوں اور محبت کرنے والے عزیزوں سے گھرے افراد یہ شکوہ کرتے دکھائی دیتے ہیں کہ وہ دولت مند کیوں نہیں۔

اس سوال کا جواب حاصل کرنے کے لیے امریکی شہر نیویارک میں بھی تجربہ کیا گیا۔ ایک بورڈ پر لوگوں سے دریافت کیا گیا کہ ان کے خیال میں دولت اور محبت میں سے زیادہ اہم کیا ہے۔

سڑک پر آتے جاتے لوگوں نے اس سوال کا جواب دیا اور آخر میں دیکھا گیا کہ زیادہ لوگوں نے دولت کے بجائے محبت کی حمایت کی۔

ویڈیو دیکھنے کے لیے یہاں پر کلک کریں۔

آپ اس سوال کا کیا جواب دیں گے؟

Comments

comments

یہ بھی پڑھیں