سان فرانسسکو:سائبر سیکیورٹی کمپنی چیک پوائنٹ سیکیورٹی نے واٹس ایپ اور ٹیلی گرام پر ہیکرز کےنئے حملے کا انکشاف کیا ہے۔
تفصیلات کےمطابق چیک پوائنٹ نامی سیکورٹی کمپنی کاکہناہےکہ واٹس ایپ استعمال کرنے والےصارفین کے اکاؤنٹس کوتصاویر اور ملٹی میڈیا فائلز کے ذریعے ہیک کیا جاسکتا ہے۔
ہیکرز کی جانب سے اس حملے میں پریویو میں بظاہر عام نظر آنے والی تصویر کو استعمال کیا جاتا ہےجس پر کلک کرنے پر یہ صارف کو میل وئیر سے آلودہ ایچ ٹی ایم ایل پیج پر لے جاتی ہے۔اگر ایک بار یہ پیج لوڈ ہوجائےتو ہیکرزکے لیےاکاؤنٹ کرنا آسان ہوجاتاہے۔
چیک پوائنٹ سیکورٹی کمپنی کے بیان کے مطابق ایک عام نظر آنے والی تصویر کو بھیج کرہیکراکاﺅنٹ ہیک کرسکتا ہے، اسے میسجز ہسٹری تک رسائی مل جاتی ہے جبکہ تمام شیئر کی جانے والی تصاویر بھی وہ دیکھ سکتا ہے۔
دوسری جانب واٹس ایپ کاکہناہےکہ ہم نے اس ایپ کو لوگوں اور ان کی معلومات محفوظ رکھنے کے لیے بنایا ہے،چیک پوائنٹ نےجب اس مسئلے کی نشاندہی کی تو ہم نے اسے حل کرتے ہوئے واٹس ایپ فار ویب کی ایک ایپ ڈیٹ ریلیز کی۔
واضح رہےکہ ماہرین کا کہناہےکہ واٹس ایپ میں اینڈ ٹو اینڈ انکرپشن موجود ہےاس لیےوائرس زدہ تصاویر کو بھیجنا بہت آسان ہےاوراس طرح کے پیغامات کی ترسیل روکنے کا کوئی خاص توڑ موجود نہیں ہے۔
