سان فرانسسکو: پیغام رسانی کی سب سے بڑی موبائل اپیلیکشن واٹس ایپ نے ڈارک موڈ فیچر متعارف کرادیا۔
فیس بک کی زیر ملکیت کمپنی واٹس ایپ کے دنیا بھر میں صارفین کی تعداد ایک ارب سے زائد ہوچکی، کمپنی نئے لوگوں کو متوجہ کرنے کے لیے آئے روز نت نئے فیچرز متعارف کراتی ہے۔
واٹس ایپ نے رواں سال اب تک اسٹیٹیس فیس بک شیئرنگ سمیت متعدد فیچرز بھی متعارف کرائے جن میں سے کچھ صارفین نے پسند نہیں کیا کیونکہ ایک فیچر کی وجہ سے بیٹری زیادہ خرچ ہونے کا مسئلہ بھی سامنے آیا۔
مزید پڑھیں: واٹس ایپ کو سیاہ کرنے کی تیاری
موبائل ایپ پر نظر رکھنے والے ادارے ڈبلیو اے بیٹا انفو کی رپورٹ کے مطابق واٹس ایپ نے آئی او ایس 13 کے لیے ڈارک موڈ فیچر آزمائشی طور پر متعارف کرادیا اور جلد ہی اسے اینڈرائیڈ صارفین کے لیے بھی متعارف کرایا جائے گا۔
WhatsApp Messenger beta 2.19.121.3 for iOS is now available for testing.
Is the beta program open? NO, wait an announcement!https://t.co/qZkpuzdbn3#WhatsAppBeta #iOS #Bot— WABetaInfo (@WABetaInfo) December 9, 2019
ڈارک موڈ فیچر سے واٹس ایپ کی روشنی (برائٹ نیس) کم ہوگی جس سے صارف کے موبائل کی بیٹری محفوظ رہے گی۔
واٹس ایپ کی جانب سے ڈارک موڈ فیچر متعارف کرانے کے حوالے سے کوئی باضابطہ اعلان نہیں کیا گیا البتہ امکان ظاہر کیا جارہا ہے کہ رواں سال کے آخر تک تمام صارفین اس سہولت سے مستفید ہوسکیں گے۔
