سان فرانسسکو: پیغام رسانی کے لیے استعمال ہونے والی سب سے بڑی موبائل ایپلیکیشن واٹس ایپ نے صارفین کی دیرینہ خواہش پوری کردی۔
واٹس ایپ کے صارفین کو برسوں سے اسٹوریج کا مسئلہ درپیش تھا جس کے حل کے لیے انہوں نے متعدد بار کمپنی سے مطالبہ بھی کیا تھا۔ اب کمپنی نے طویل عرصے بعد صارفین کی خواہش پوری کردی۔
واٹس ایپ کی جانب سے صارفین کے لیے اضافی ڈیٹا ڈیلیٹ کرنے کی سہولت متعارف کرادی گئی۔ جس کے بعد صارف کے واٹس ایپ پر بھیجی جانے والی تصاویر، ویڈیو اورپیغامات ڈیلیٹ کرنا بہت آسان ہوگا۔
اس نئی سہولت کے بعد صارف کو یہ بھی معلوم ہوسکے گا کہ کس فائل نے کتنی جگہ گھیری ہوئی ہے۔
صارف ہر چیٹ میں موجود پیغامات، تصاویر، ویڈیوز سمیت دیگر فائلیں علیحدہ علیحدہ منتخب کر کے ڈیلیٹ کرسکے گا۔
مزید پڑھیں: واٹس ایپ نے سب سے بڑا اور منفرد اعزاز اپنے نام کرلیا
واٹس ایپ کی جانب سے جاری ہونے والے ٹویٹ میں بتایا گیا ہے کہ ’ہم نے ڈیٹا کو دیکھنے، ڈیلیٹ اور اسٹوریج خالی کرنے کا عمل بہت آسان بنادیا‘۔
طریقہ استعمال
واٹس ایپ کھول کر سینٹنگز میں جائیں اور پھر اسٹوریج اینڈ ڈیٹا پر کلک کریں جس کے بعد آپ کے سامنے اسٹوریج کا آپشن آجائے گا، اُس کے بعد اپنی مرضی سے فائلوں کا انتخاب کر کے انہیں ڈیلیٹ کردیں۔
We’ve made it easy to review, bulk delete items and free up space. This new storage management tool can be found in Settings > Storage and Data > Manage Storage. pic.twitter.com/eIMFZ1Oyzr
— WhatsApp Inc. (@WhatsApp) November 3, 2020
یاد رہے کہ دنیا بھر میں واٹس ایپ کے صارفین کی تعداد دو کروڑ سے تجاوز کرچکی ہے، حال ہی میں یہ بات سامنے آئی تھی کہ اب واٹس ایپ پر یومیہ ایک کروڑ سے زائد پیغامات کا تبادلہ ہوتا ہے۔
