کیلی فورنیا: موبائل فون کی سب سے بڑی موبائل ایپلی کیشن واٹس ایپ نے دو نئے فیچرز متعارف کروادیے جو فی الحال صرف ویب ورژن پر ہی دستیاب ہیں۔
تفصیلات کے مطابق واٹس ایپ انتظامیہ کی جانب سےصارفین کو متاثر کرنے کے لیے آئےروز نت نئے فیچرز متعارف کروائے جاتے ہیں جس کا مقصد بہتر سروس مہیا کرنا ہے۔
واٹس ایپ کی جانب سے حال ہی میں متعارف کروائے جانے والے 2 فیچرز صرف فی الحال صرف ویب ورژن پر ہی دستیاب ہیں۔
نئے فیچر کے تحت واٹس ایپ ویب استعمال کرنے والے صارفین اب گروپ میں آنے والے کسی بھی نمبر کا آسانی سے پرائیوٹ جواب دے سکیں گے، دوسرے صارف کی جانب سے آنے والے پیغام کے جواب میں پرائیوٹ میسج بھیجنے کا آپشن بھی موجود ہوگا۔
دوسرے فیچر کے تحت گروپ پر آنے والی تصاویر یا ویڈیوز کو بعد میں دیکھنے کے لیے دائیں بائیں کرنے کا آپشن بھی موجود ہوگا۔
مزید پڑھیں: واٹس ایپ کا میسج ڈیلیٹ کرنے والا فیچر متعارف
واٹس ایپ کی کی جانب سے متعارف کروائے جانے والے حالیہ فیچرز موبائل فون پر آنے والے وقتوں میں دستیاب ہوں گے یا نہیں اس بارے میں انتظامیہ نے کوئی اعلان نہیں کیا۔
