The news is by your side.

Advertisement

واٹس ایپ کھولے بغیر چیٹ کرنا ممکن

کیلی فورنیا: پیغام رسانی کی سب سے بڑی موبائل ایپلیکشن واٹس ایپ نیا فیچر متعارف کرادیا جس کے بعد اب صارف کو چیٹ کے لیے ایپلیکشن کھولنے کی ضرورت نہیں ہوگی۔

تفصیلات کے مطابق واٹس ایپ انتظامیہ کی جانب سےصارفین کو متاثر کرنے کے لیے آئےروز نت نئے فیچرز متعارف کروائے جاتے ہیں جس کا مقصد بہتر سروس مہیا کرنا ہے۔

انتظامیہ نے رواں سال کے آغاز کے بعد ویسے تو ایپلی کیشن میں بہت سی اہم تبدیلیاں کیں جن کا سلسلہ تاحال جاری ہے اور کمپنی کا دعویٰ ہے کہ مستقبل میں بھی نئے فیچرزمتعارف کرائے جائیں گے۔

واٹس ایپ نے گزشتہ دنوں ایسا فیچر متعارف کرایا جس کے بعد اب صارف کو چیٹ کے لیے ایپ کی ضرورت نہیں ہوگی بلکہ وہ ویب سائٹ پر جاکے کسی بھی دوست کے ساتھ باآسانی بات چیت کرسکے گا۔

مزید پڑھیں: واٹس ایپ نے اینڈرائیڈ صارفین کی بڑی پریشانی ختم کردی

ٹیکنالوجی پر نظر رکھنے والی ویب سائٹ کے مطابق واٹس ایپ کا نیا فیچر آزمائشی مراحل میں ہے جسے فی الحال صرف بیٹا ورژن استعمال کرنے والے صارفین ہی استعمال کرسکتے ہیں۔

فیچر کیسے استعمال کیا جاسکتا ہے؟

واٹس ایپ صارفین کو ایک ویب سائٹ کا لنک دیا گیا ہے، جب وہ یہ انٹرنیٹ ایکسپلور پر ڈالیں گے تو انہیں اس کے آگے  (متعلقہ نمبر/https://wame)  درج کرنا ہوگا۔

جیسے ہی صارف اسے انٹر کرے گا تو اُس کے سامنے واٹس ایپ کی ونڈو نظر آئے گی، اگر کسی نے غلط یا پھر کسی ایسے نمبر کا اندراج کیا جو واٹس ایپ پر موجود نہیں تو سامنے ایک پیغام نظر آئے گا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں