سان فرانسسکو: پیغام رسانی کے لیے استعمال ہونے والی دنیا کی سب سے مقبول ایپلی کیشن واٹس ایپ نے ’ڈیلیٹ فار ایوری ون‘ فیچر میں بڑی تبدیلی کا فیصلہ کرلیا۔
واٹس ایپ کی ہر سرگرمی پر نظر رکھنے والی ویب سائٹ ویب بیٹا انفو کے مطابق ‘ڈیلیٹ فار ایوری ون’ کے دورانیے کو بڑھایا جارہا ہے جس کے بعد صارفین 2 دن اور 12 گھنٹے بعد بھی ان پیغامات کو ڈیلیٹ کرسکیں گے جو انہوں نے غلطی سے بھیج دیے ہوں گے۔
رپورٹس کے مطابق یہ فیچر جلد واٹس ایپ کے بیٹا ورژن کے صارفین کیلئے متعارف کروایا جائے گا۔
📝 WhatsApp beta for Android 2.22.4.10: what’s new?
WhatsApp is now planning to extend the time limit to delete messages for everyone in a future update: from "1 hour, 8 minutes, 16 seconds” to "2 days, 12 hours”!https://t.co/Dxn7zUPM3n
— WABetaInfo (@WABetaInfo) February 1, 2022
واضح رہے کہ واٹس ایپ کے ڈیلیٹ فار ایوری ون’ فیچر کی مدد سے صارفین ابھی اپنے پیغامات کو ایک گھنٹے 8 منٹ اور 16 سیکنڈزکے اندر ڈیلیٹ کر سکتے ہیں تاہم اب کمپنی اس فیچر میں تبدیلی لانے پر غور کر رہی ہے۔
مزید پڑھیں: واٹس ایپ صارفین کی دیرینہ خواہش پوری ہوگئی
یاد رہے کہ فیچر میں تبدیلی ابھی صارفین کے لیے دستیاب نہیں ہے کیونکہ ابھی اس فیچر پر کام جاری ہے اور جلد ہی اسے صارفین کے لیے دستیاب کروایا جائے گا۔
