The news is by your side.

واٹس ایپ نے صارفین کے لیے زبردست فیچر متعارف کرا دیا

واٹس ایپ نے صارفین کے لیے زبردست فیچر متعارف کرا دیا، اب صارفین اس میسیجنگ ایپلی کیشن پر آن لائن خریداری بھی کر سکیں گے۔

واٹس ایپ پر پہلی بار آن لائن خریداری کا آپشن متعارف کرایا گیا ہے، واٹس ایپ کی مالک کمپنی ’میٹا‘ کے بانی مارک زکر برگ نے فیس بک پوسٹ میں تصدیق کی کہ واٹس ایپ پر آن لائن خریداری کا آپشن متعارف کرا دیا گیا ہے۔

تاہم ابتدائی طور پر آن لائن خریداری کا آپشن صرف بھارت میں متعارف کرایا گیا ہے، صارفین بھارت کے سب سے بڑے ریٹیلر اسٹور’جیو مارٹ‘ سے آن لائن خریداری کر سکیں گے۔

آن لائن خریداری انتہائی آسان ہے، صارفین چیٹ باکس کے ذریعے خریداری کر سکیں گے، خریدار اور اسٹور ملازمین کے درمیان ہونے والی چیٹ ’اینڈ ٹو اینڈ‘ ہوگی، یعنی اس پر کسی تیسری پارٹی کو رسائی حاصل نہیں ہوگی۔

واضح رہے کہ یہ آپشن واٹس ایپ کی جانب سے پہلا آفیشل آپشن ہے، اس فیچر کو کمپنی اگلے مرحلے میں دیگر ممالک میں بھی متعارف کرائے گی۔

Comments

یہ بھی پڑھیں