The news is by your side.

Advertisement

واٹس ایپ نے ایک فیچر کو غیر ضروری قرار دے دیا

سان فرانسسکو: پیغام رسانی کے لیے استعمال والی موبائل ایپلیکیشن واٹس ایپ نے ایک فیچر کو غیر ضروری قرار دیتے ہوئے اسے ختم کرنے پر کام شروع کردیا۔

فیس بک کی زیر ملکیت ایپلیکیشن واٹس ایپ کے دنیا بھر میں دو کروڑ سے زائد صارفین ہیں، جن کی سہولت اور آسانی کے لیے کمپنی کی جانب سے آئے روز نت نئے فیچرز متعارف کرائے جاتے ہیں۔

مگر اب کی بار واٹس ایپ نے صارفین کے لیے کوئی فیچر متعارف نہیں کرایا بلکہ ایک سہولت کو غیر ضروری قرار دیتے ہوئے اسے ختم کرنے کا ارادہ کرلیا۔

واٹس ایپ پر گہری نظر رکھنے والے ادارے ڈبلیو اے بیٹا انفو کی رپورٹ کے مطابق واٹس ایپ نے میسنجر روم شاٹ کٹ کو چیٹ شیئر سے ختم کردیا۔ اینڈرائیڈ اور آئی او ایس صارفین جلد اس تبدیلی کو دیکھ سکیں گے۔

یاد رہے کہ واٹس ایپ نے میسنجر روم شاٹ کٹ کو مئی 2020 میں متعارف کرایا تھا، جس کے تحت ایک کلک پر فیس بک میسنجر پر گروپ کال کی جاسکتی تھی، جس میں بیک وقت پچاس دوست گفتگو کرسکتے تھے۔

Comments

یہ بھی پڑھیں