The news is by your side.

Advertisement

سندھ میں گندم، آٹے کا کوئی بحران نہیں،وزیر خوراک سندھ

کراچی: وزیر خوراک سندھ ہری رام کا کہنا ہے کہ سندھ میں مافیا کو کسی صورت کامیاب نہیں ہونے دیں گے۔

تفصیلات کے مطابق صوبائی وزیر خوراک ہری رام نے کہا ہے کہ سندھ حکومت نے سوا 12 لاکھ ٹن سے زائدگندم خرید رکھی ہے،صوبے میں گندم آٹے کا کوئی بحران نہیں ہے۔

وزیر خوراک کا کہنا تھا کہ فلور ملز مالکان کو اس بار وقت سے پہلےگندم ریلیز کی جائےگی،گندم ریلیزکرنے کے لیے سندھ کابینہ سے منظوری لی جائےگی۔

صوبائی وزیر ہری رام کا کہنا تھا کہ سندھ میں مافیا کو کسی صورت کامیاب نہیں ہونے دیں گے۔

آٹے کی قیمت کو ہر صورت کنٹرول کیا جائے، وزیراعلیٰ سندھ کی ہدایت

یاد رہے کہ گزشتہ روز وزیراعلیٰ سندھ مراد علی شاہ کی زیر صدارت گندم کی صورت حال پر اجلاس ہوا جس میں وزیر خوراک ہری رام نے بتایا تھا کہ 100 کلوگندم کے کراچی میں مارکیٹ پرائس جون 2019 میں 3475 روپے تھے، 100کلو گندم کی جون 2020 میں قیمت 4400 روپے سے4450 رہی۔

اس موقع پر وزیراعلیٰ سندھ مراد علی شاہ کا کہنا تھا کہ سندھ حکومت نے صوبے میں گندم کی نقل وحمل پر پابند عائد کر دی تھی۔انہوں نے وزرا کو ہدایت دی تھی کہ ہر صورت آٹے کی قیمت کو کنٹرول کیا جائے۔

fb-share-icon0
Tweet 20

Comments

comments

یہ بھی پڑھیں