The news is by your side.

Advertisement

اداکاری کا آغاز کیا تو معلوم نہیں تھا کہ یہ شعبہ کیسا ہے، اقراء عزیز

کراچی : شوبز انڈسٹری کی چلبلی اداکارہ اقراء عزیز نے کہا ہے کہ جب انہوں نے ڈراموں میں کام شروع کیا تو معلوم نہیں تھا کہ یہ شعبہ کیسا ہے۔

پاکستانی شوبز انڈسٹری کی معروف اداکارہ اب تک کئی مشہور اور کامیاب ڈرامے انڈسٹری کو دے چکی ہیں، لیکن انہوں نے شوبز انڈسٹری میں قدم اور کیسے قدم آئیے انہیں سے جانتے ہیں۔

اقراء عزیز نے ایک انٹرویو کے دوران بتایا کہ وہ بہت چھوٹی سی عمر میں شوبز کی دنیا میں آچکی تھیں کیوں کہ انہیں بچپن سے ہی اداکاری کا بہت شوق تھا۔

اداکارہ نے کہا کہ وہ اپنا شوق پورا کرنے کےلیے اپنی والدہ کا ڈوپٹہ باندھ کر بھارتی فلموں کے گانوں پر رقص کرتی اور آئینے کے سامنے کھڑے ہوکر اداکاری کرتی تھیں۔

اقراء عزیز کا کہنا تھا کہ وہ دسویں جماعت کی طالبہ تھیں جب انہوں نے ڈراموں میں کام شروع کردیا تھا اور انہیں اس بات کا علم نہیں تھا کہ لوگ اس انڈسٹری سے متعلق کیا سوچتے ہیں، اس شعبے کو غلط کہا جاتا ہے یا اچھا مانا جاتا ہے۔

انہوں نے بتایا کہ اس یہ بھی معلوم نہیں تھا کہ اداکاری کا شعبہ کیسا ہے؟ اور میرے گھر والے بھی بس اتنا جانتے تھے کہ ان کی بیٹی کو اداکاری کا شوق ہے۔

 

View this post on Instagram

 

A post shared by ✨Lollywood✨🌟 (@lollyfeeds)

Comments

یہ بھی پڑھیں