The news is by your side.

Advertisement

’جب تک طلبا و اساتذہ کو کرونا سے خطرہ ہے اسکول کھولنے کا نہیں سوچ سکتے‘

لاہور: وزیرتعلیم پنجاب مراد راس نے کہا ہے کہ صوبے میں جب تک طلبا و اساتذہ کو کرونا سے خطرہ ہے اُس وقت تک اسکول کھولنے کا نہیں سوچ سکتے۔

تفصیلات کے مطابق وزیرتعلیم پنجاب مراد راس نے انٹرپروونشنل ویڈیو کانفرنس میں شرکت کی، اس موقع پر ان کا کہنا تھا کہ کرونا سے طالب علموں اور اساتذہ کو وبائی مرض سے تاحال خطرات ہیں۔

انہوں نے کہا کہ پنجاب نے اسکول کھولنے کے لیے ایس او پیز گائیڈ لائن بھجوا دی ہیں، حتمی فیصلے کا اعلان چند دنوں میں کیا جائے گا، تعلیمی ادارے کھولنے کا فیصلہ کسی دباؤ کی بدولت نہیں کرسکتے۔

پاکستان میں تعلیمی ادارے کب کھلیں گے ؟ فیصلہ ہوگیا

ڈاکٹر مراد راس کا یہ بھی کہنا تھا کہ طلبا اور اساتذہ کو وبا سے ہر ممکن تحفظ فراہم کرنا اولین ترجیح ہے۔

دوسری جانب وزیرتعلیم شفقت محمود کی زیرصدارت بین الصوبائی وزرائے تعلیم کانفرنس میں ستمبرکے پہلے ہفتے میں تعلیمی اداروں کو کھولنے پر اتفاق ہوگیا ہے، تاہم حتمی منظوری کل این سی او سی سے لی جائے گی۔

وزیرتعلیم شفقت محمود کی زیرصدارت ويڈيولنک پر بین الصوبائی وزرائے تعلیم کانفرنس ہوئی، اجلاس میں تجويز دی گئی کہ يکم ستمبر سے پہلے اسکول نہ کھولے جائيں اور گست کے آخری ہفتے حتمی فيصلے کيلئے اجلاس بلايا جائے۔

Comments

یہ بھی پڑھیں